Bogusz i tak odlyzie? – Agent fusbalorza je ło tym przekonany

Niy do sie ukryć, że nojwynkszo saga transferowo dotyczy Mateusza Bogusza. Czy łodlyzie terozki, czy po syzonie, czy przedłuży kontrakt? Katowicki Sport pogodoł ze agentym fusbalorza i naświetlo sprawa jasno:

“Je fest dużo ofert ze klubów europejskich. Osobiście godołech ze kożdym z nich. Kluby przedstawioły swoje pomysły na rozwój Mateusza we nojbliższych latach” – godoł Łukasz Maciongowski do katowickiego Szportu.

Bogusz liczy fest, ze zagro we tym roku na Mistrzostwach Świata U`20, a wyjazd za granica może mu to trocha utrudnić, ale Maciongowski godo, że decyzja jako podejmom wspólnie łokreśli jego rozwój na nojbliższe lata i to je priorytetem.

“Kontrakt Mateusza łobowionzuje do lata, chyba że klub zdecyduje sie na zaakceptowanie kieryjś ze ofert. We przeciwnym wypadku Mateusz łostanie we klubie i wypełni kontrakt. Somy bardzo zadowoleni i wdziynczni klubowi za praca, jaką wykonoł ze Mateuszem. Ruch doł mu szansa i rozwinoł go nie ino pod wzglyndem piłkarskim. Darzymy klub szacunkiym i na pewno rozważymy kożdo oferta, któro nom przedstawi” – dodowo Maciongowski.

Cołki wywiad do poczitanio tukej => http://sportdziennik.pl/ruch-chorzow-straci-bogusza/


własne / sportdziennik.pl

Komentarze

Dodaj komentarz

Twój adres email nie zostanie opublikowany.