Category Archives: Kybice

Ruszo Typer Na Niebiesko!

Z wielkom przijymnościom zapraszomy wszistkich do noszyj zabawy we typowanie szpilów II Ligi Polskij. Wszistkie szczegóły dostympne som we regulaminie na zajcie => Typer Na Niebiesko

Szponsorym nagród łostała firma BG Turbo, kiero szpecjalizuje sie we produkcji, sprzedaży i regenyracji turbosprynżarek. Zapraszomy na ich fanpyjdż: BG Turbo Fanpyjdż oroz na sztrona ich sklepu: Sklyp BG Turbo

Firma produkuje nojwyższyj jakości turbosprynżarki i inksze tego typu akcesoria do wszistkich pojazdów. Wyróżno ich jakość oroz stosunkowo nisko cyna tych wyrobów, a sprzedaż prowadzom na terynie cołkigo kraju i krajów UE.

Somy zadowolone, że udało sie podjonć współpraca i przigotować nagrody do noszych groczy we Typerze. Życymy Wom wszistkim powodzynio we zabawie!


własne / BG Turbo

Udana sobota dla juniorów i przyjaciół – podsumowanie

Dzisioj mieli my fest intensywny dziyń pod wzglyndym szportowym. Grali juniory Ruchu, groła Elana i Widzew.

Podsumowanie:

Juniory Ruchu U`19, grali szpil 1 rundy barażów ło awans do CLJ. Wygrali 7-0 i rywanż – 20 czyrwca bydzie ino formalnościom.

We Solcu Kujawskim, tamtyjszo Unia groła łostatni szpil syzonu ze walczoncom ło awans Elaną Toruń. Szpil wygrywo Elana 5-1 i awansuje do II Ligi! Gratulujymy!

Najciykawiyj boło we Ostródzie, kaj Sokół groł ze Widzewem Łódź. Na pauza prowadzioł 1-0, ale po pauzie RTS szczeloł 3 tory i łostatycznie wygroł 3-2. To tyż boł łostatni szpil syzonu i tym samym Widzew awansowoł do II Ligi! Tyż wiylkie gratulacje!


własne

Ważny dziyń juniorów Ruchu i przijaciół!

Dzisioj łod godziny piytnostyj fani Ruchu bydom mieli co robić. Piyrwszy sztartuje szpil noszych juniorów U`19. Potyn szpil gro Elana Toruń i na som koniyc Widzew Łódź.

Rozpiska:

Juniory Ruchu zagrajom piyrwszy szpil barażowy ło awans do CLJ, we Biołymstoku ze tamtyjszym Hetmanem. Szpil ło piytnostyj, a radiowo rylacja znojdziecie na kanale TV Niebiescy dla Ruchu: Rylacja radiowo: Hetman – Ruch

Łod szesnostyj we Solcu Kujawskim, tamtyjszo Unia podyjmie we łostatnij raji szpilów Elana Toruń. Klub ze Torunia poczybuje wygranyj co by awansować do drugij ligi. Rylacja ze tego szpilu znojdziecie tukej: Unia – Elana

Łod siedymnostyj we Ostródzie, Sokół zagro ze Widzewem Łódź. RTS tyż musi wygrać tyn szpil żeby wlyźć do drugij ligi. Rylacjo ze tego szpilu znojdziecie tukej: Sokół – Widzew

 

Dzisioj wiela sie bydzie dzioło i bezto zapraszomy na kożdy ze tych szpilów.


własne / ruchchorzow.com.pl / elanatorun.com / widzew.com

Przigotowania Ruchu do nowygo syzonu – plan

Jesce niy wiadomo kaj zagromy, ale znomy juz plan przigotowań do sztartu nowygo syzonu. Poniżyj prezyntujymy tyn plan: Continue reading