Category Archives: Prziszli – Poszli (Transfery)

Co we trowie pisko – transferowo karuzela

Łokno we noszym kraju otwiyro sie dopiyro 1 lutego, ale juz terozki trocha sie dzieje na noszym podwórku. Poniżyj nieco opisu na tyn tymat:

Continue reading

Nowak we Stali, Lech we Ruchu

Bartosz Nowak podpisoł trzi – lytnio umowa ze Stalom Mielec. Niyoficjalnie klub móg zarobić kole 260 tysiyncy złotych.

Kamil Lech podpisoł umowa ze Ruchem i bez nojbilższe 2 lata bydzie szpiloł we Chorzowie.


własne / ruchchorzow.com.pl

Cichecki i Peda pojadom ze Ruchem do Kamienia – Rybnika

Na zgrupowanie do Kamienia – Rybnika ze Ruchem pojedzie dwóch pomagierów – Szymon Cichecki i Krystian Peda.

Cichecki mo 22 lata i groł łostatnio we Szobierkach Bytom, zaś Peda mo 21 lot i łostatnio groł we Termalice Nieciecza, kaj zagroł 7 szpilów we Ekstraklasie, potyn boł wypożycony do GKSu Bełchatów.

Na zgrupowanie pojadom tyż Mateusz Bartolewski i Paweł Brzuzy.


własne  / ruchchorzow.com.pl

Wojciech Kędziora i Tomasz Podgórski fusbalorzami Ruchu!

Dzisioj roczne kontrakty ze opcjom przedłużynio ło kolyjny rok podpisali Tomasz Podgórski i Wojciech Kędziora.

Podgórski to 32 lytni pomagier, groł juz we Ruchu we syzonie 15/16.

Kędziora to 37 lytni napastnik, łostatnio groł we GKSie Katowice kaj szczeloł 10 torów we 27 szpilach.

Witomy we Ruchu i życymy powodzynio!


własne / ruchchorzow.com.pl