Ino i aż rymis – konferyncja prasowo po szpilu Ruch – Wigry

Niy udało sie wygrać, ale momy rymis i nostympny, cynny punkt do tabyli ligowyj. Po szpilu byli my na konferyncji prasowyj i poniżyj mocie ja po Ślonsku:

Artur Skowronek (Wigry): “Zagrali my dobry szpil i szanujymy tyn punkt, ale mogli my to wygrać. My grali lepij i fest żol tyj łostatnij łokazji kaj sie chopcy podowali bala. Rywol zostawioł kupa zdrowo coby nom wyciongnonć tyn punkt, a my nostympne szpile zagromy lepij i bydymy siyngać po pełno pula”.

Juan Ramon Rocha (Ruch): “Szpil boł dobry do kybiców, mom wrażynie, że wiela klubów zmiynio taktyka i to je gut. Goście som chyba nojlyprze ze wszistkich drużin jakie groły na Cichyj łodkond jo sam je. Moim chopcom gratuluja gry bo ciśli do końca. Pokozali, że sie do. My musiyli grać inaczyj bo kontuzja fusbalorza, bo jedyn chop sie poczuł trocha gorzyj, ale dali my rada zrymisować i za to mom do nich szacunek”.


własne

Komentarze

Dodaj komentarz

Twój adres email nie zostanie opublikowany.