Ino i aż jedyn punkt wiyncyj do tabyli – wypowiydzi i konferencjo po szpilu Ruch – Olimpia

Mimo łokazji na tora, szpil łostatycznie my zrymisowali 0-0. Po szpilu byli my na konferyncji i momy tyż wypowiydzi fusbalorzy. Zapraszomy do lektury:

Wypowiydzi:

Mateusz Bogusz: “Mogło być lepij jakby my wygrali. My prowadzili szpil, Olimpia niy mioła żodnych sytuacji, niy wiym cy łoddała cylny szczał. Szkoda szpilu bo brakło nom skutyczności, ale cza walczyć dalyj. Cieszymy sie ze punktu, ale założynie boło na trzi. Myśla, że jak na mój piyrwszy roz to niy boło źle i oby tak dalyj.
Jeźli łazi o mój uraz to ino jakieś lekie naciongniyncie łydki”.

Paweł Wojciechowski: “Wydaje mi sie, że szpil pod pełnom naszom kontrolom, wiadomo, że brakło nom tyj kropki nad “i”. Jo miołech swoje dwie, nawet trzi sytuacje i jakby cosik wpadło to kożdy miołby inksze zdanie na tymat tego szpilu. Szkoda, ale jo uważom, że dopisujymy punkt i idymy dalyj, bo gdyby we piyrwszyj rundzie takie szpile boły rymisowane to Ruch bołby na inkszym miyjscu we tabeli. Trza dopisać tyn punkt, niy zwiyszać gowy i idymy dalyj.
Wiadome, że jak sie cołki czos chce szczylić tora to siłwe pewnym momyncie trocha braknie, beztosz we drugij połówce trocha boło utrzimano bala, trocha odpocynku na szpilplacu. Trocha tych siył nom zabrakło i możno beztosz ta gra potyn boła tako trocha szarpano”.

Konferyncja prasowo: 

Jacek Linowski (II tryner Olimpii): “Przede wszistkim co sie ciśnie na gymba ze noszyj sztrony to fakt, że powinni my tyn punkt szanować i dziynkować, że go tukej zdobylimy.
Uważom, że boł nosz to nojsłabszy szpil we tyj rundzie i to napywno Ruch boł bliżyj zdobycio 3 punktów niż my. Trudno dzisioj nom boło wlyź pod tor, ale to boło spowodowane tym, że Ruch zagroł dzisioj niyzłe zawody, brakło im ino skutyczności.
Życa Ruchowi jak nojlepij bo uważom, że 1 liga to niy je miejsce dla Ruchu. Powinni grać we nojwyższyj klasie rozgrywkowyj. Mom nadzieja, że skońcy sie to wszistko dobrze i do Ruchu i do Olimpii”.

Dariusz Fornalak (Ruch): “Co jo moga pedzieć? To samo co chwila tymu we szatni. Podziynkowołech grupie ludzi za wysiłek wciepniynty we tyn szpil. Myśla, że wciepli maksimum przigotowanio we tyn szpil i to mie cieszy. Fusbal polego na szczylaniu torów, my dzisioj tyj jednyj bramki niy szczelili. Nie winia tukej Pawła, ale niy trafienie we bal Balickiego tyż sprawioło, że jest ino 0-0. Nie mnij jednak te mode ludzie dzisioj wypruli żyły.
Miołech pretynsje do Bogusza, że niy doł znać wcześnij, że cosik dziyje sie zze nim niy dobrego. My ze boku nie byli we sztandzie tego ocynić, a jego gra dzisioj niy wskazywała, że sie nadowo do smiany i niy bołoby jeij gdyby doł rada szpilać cołki szpil. Jego ambicjo, i tukej sie nie dziwia, bo synek dostoł szansa i jom dzisioj wykorzystoł, ale mogli my go stracić, a tego bych niy chcioł. Te młode fusbalorze cołki czos muszom sie uczić, że na szpilplacu trza sie zachowywać trocha inaczyj. Szkoda, że we takij sytuacji jakij somy.
Niy moga mieć dzisioj do nich pretynsji za sposób we jaki rozegrali cołki szpil”.


własne

Komentarze

Dodaj komentarz

Twój adres email nie zostanie opublikowany.