Niybiescy jesce dychajom!

Minus punkty, zawiyszono licyncja – to ino niekiere scynariusze na wiosna we Chorzowie. Wszistko jednak pokozuje, że jesce bydymy dychać!

Dzisioj Komisjo ds. Licyncji miała podjonć decyzjo co ze Ruchem i długami. Łostatnio wsziscy szkryflali, że długi dalyj som niy płacone i minus punkty to je minimum co nom dociepnom we tym syzonie.

Weszło.com pisoł nawet, że licyncja nom zabierom, na to wypowiedzioł sie nosz Pryzes – Janusz Paterman. Godoł, że na bank zapłacymy długi do dzisioj – dzisioj boła wymagalność zapłaty.

Przewodniczoncy Komisji – Krzysztof A. Rozen godoł, że minus jedyn punkt to je minimum co komisjo musi nom dociepnonć.

Przeglond Szportowy dowiedzioł sie, że 490 tys. zaległych długów Ruch juz spłacioł i niyoficjalnie licyncji na wiosna nie straci.

Łostało jesce 2,5 bańki do spłaty coby ze wymogu F 09 niy ciepli nom fest minusów. Jak zapłacymy do sztartu rundy dostanymy -1, jak niy to mogom dociepnonć nom i -10.

AKTUALIZACJO:

Na Twitterze, redaktory – Leszek Błażyński (Przeglond Szportowy) i Jacek Sroka (Sport Gazeta Wyborczo) poinformowali oficjalnie, że licyncjo łostaje!


własne / przegladsportowy.pl / Twitter: @L_Blazynski / @Jacek_Sroka

Komentarze

Dodaj komentarz

Twój adres email nie zostanie opublikowany.