Ruch, Elana, Widzew, Wisła, Atletico, KPR itp. – Szportowe podsumowanie minionygo weekendu

Życie Na Niebiesko

Zapraszomy do lektury szportowygo podsumowanio minionygo weekendu we Ruchu Chorzów i inkszych:

Ruch Chorzów tym razym kończōł raja szpilōw we II Lidze. Wszistko bez TV. TVP3 Katowice zaplanowôł sie, że szpil Ruchu ze Grudziŏdzem pokōże we telewizji i beztôż grali my we niydziela, ło 13:05. Po słabyj grze sfalili my tyn szpil 1-2. Tora do Modrych zdobōł Robert Obst, a piyrwszo asysta zaliczôł Mariusz Idzik. We sobota Widzew Łódź, u sia zrymisowôł ze Radomiakiem Radom 1-1. Tora do Widzewa szczelōł Mateusz Michalski. Elana Toruń tyż we sobota sfalōła u sia ze Resovią Rzeszów 0-1. Komplyt wynikôw mocie niżyj:

GKS Bełchatów – Górnik Łęczna (2-0)
Ruch Chorzów – Olimpia Grudziądz (1-2)
Skra Częstochowa – Olimpia Elbląg (2-1)
Radomiak Radom – Rozwój Katowice (2-0)
Siarka Tarnobrzeg – Znicz Pruszków (2-2)
Pogoń Siedlce – Stal Stalowa Wola (5-1)
Błękitni Stargard – Gryf Wejherowo (4-1)
Widzew Łódź – ROW 1964 Rybnik (1-1)
Elana Toruń – Resovia (0-1)

Tabyla II Ligi po 23 raji znōjdziecie tukej => Tabyla

Wisła Kraków, 25 raja szpilała na wyjyździe, we Kielcach ze tamtyjszôm Koroną. Szpil wygrôła 6-2. Tory szczylali Krzysztof Drzazga (x3), Jakub Błaszczykowski i Vukan Savicević. Obycnie zajmujom 10 plac we Ekstraklasie, tracom 1 punkt do gôrnyj ōsymki. Majōm 8 punktôw przewŏgi nad 11 Śląskiem Wrocław.

Atletico Madryt we sobota wygrało szpil u sia ze Leganes 1-0. Tora szczelôł Saul Niguez. Po 27 rajach szpilôw majom 2 plac i 56 pōnktôw. Tracom 7 do FC Barcelony, a 5 pōnktôw przewôgi nad Realem.

We Super Lidze kobiyt mōmy przełômanie! KPR Ruch Chorzów wygrōł ze Korną Handball Kielce 25 – 22. Po 19 rajach szpilôw dalyj 10 plac, pōnktôw mōmy 9. 6 sztraty do Jeleniej Góry i 6 przewôgi nad Kościerzyną.

We zeszły weekend sztartła runda wiôsynno we CLJ U`18. Nŏsze Juniory prowadziyli 2-0, ale łostatycznie sfalili ze GKSem Bełchatów 2-3. Po 18 rajach mōmy 15 plac, 7 pōnktôw sztraty do 12 Górnika Zabrze, 2 pōnkty przewôgi nad łostatniōm Elaną.

Wszistkie tabele znōjdziecie ze naszyj lewyj sztrōny na głôwnyj zajcie.


własne

Komentarze