Sfalomy szpil ze Stalom 1-2 – konferyncja po szpilu

Po szpilu byli ma na konferyncji prasowyj i poniżyj prezyntujymy Ślonski zapis ze nij. Zapraszomy do czitanio:

Zbigniew Smółka (Stal): “Uważom, że tyn szpil boł ciykawy do łoglondanio. Na Ruchu zowsze je kocioł, szło to poczuć po torze do Ruchu. Jo chcioł podziynkować mojimu sztabowi i fusbalorzom. Dwa tydnie przigotowań i dało sie przigotować drużina optymalnie.

Jak zloz Kowalczyk to mogli my tyn szpil wygrać jesce przed pauzom. Ruch cis nos we drugij halbce, ale my to szczimali i po noszych smianach szczelili my tor.
Tyn szpil nos srogo zdrowio kosztowoł, boło sam ciynżko ło punkty i za to roz jesce dziynkuja swojim fusbalorzom”.

Juan Ramon Rocha (Ruch): “To boł nojsłabszy szpil Ruchu jak jo dugo sam je. Momy mało fusbalorzy i jak kieryś wypado za kartki to momy biyda. Dzisioj brakło nom dwóch fusbalorzy ze piyrwszygo składu i boło ciynżko we noszych zadkach.

We pauzie pedziołech chopcom, że majom zagrać trocha barzij jak egoisty i to prziniosło skutek.

Kożdo porażka nos czegosik uczi i to barzij niż wygrano. Nojważniyjsze, że zaro bydzie łokazjo do nostympnych punktów. Tyn szpil łostawiomy za sobom i we środa cisnymy ze Wigrami”.


własne

Komentarze

Dodaj komentarz

Twój adres email nie zostanie opublikowany.