Życie na niebiesko - Niyoficjalno zajta ło Ruchu Chorzów

Szparing: GKS Tychy – Ruch Chorzów (0-1) [OPIS SZPILU]

Życie na Niebiesko

Dzisioj, łod godziny 11 na tryningowym szpilplacu GKSu Tychy – Ruch Chorzów groł kolyjny szparing przed sztartym rundy wiosynnyj II Ligi. Tym razym mioł to być prwodziwy test umiejyntności, bo rywal gro na codziyń liga wyżyj.

GKS Tychy – Ruch Chorzów (0-1) 0-1

Skład Ruchu:
(I połowa): Smug – Budek, Duriska, Wiech, Miagkov – Podgórski, Duchowski, Obst, Walski, Bartolewski – Giel.

(II połowa): Lech – Budek, Wiech, Kulejewski, Bartolewski – Mokrzycki, Obst – Zieliński, Walski, Wdowik – Giel.

Tory:
37 – Lucas Duriska (0-1)

Zmiany:
56 – Kędziora <=> Giel
56 – Balicki <=> Walski
63 – Lechowicz <=> Budek
63 – Rudek <=> Bartolewski
70 – Mandrysz <=> Obst
85 – Machała <=> Rudek
88 – Giel <=> Balicki (zloz z urazem)

Opis Szpilu: czitej dalyj…

Po serii szpilów ze drużinami, ze III Ligi, dzisioj Ruch Chorzów zagroł szpil ze drużinom piyrwszoligowom. GKS Tychy we szparingach do tyj pory niy wygrywoł:

  • sfaloł ze Odrom Opole 0-2;
  • sfaloł ze Podbeskidziem Bielsko – Biała 0-2;
  • sfaloł ze Puszczą Niepołomice 0-1;
  • sfaloł ze MFK Karvina 1-4;
  • zrymisowoł ze Termaliką Bruk-Bet Nieciecza 2-2

Ruch Chorzów jesce niy sfaloł:

  • wygrano 4-1 ze Ruchem Radzionków;
  • wygrano 2-0 ze Hutnikiem Kraków;
  • wygrano 4-1 ze NKP Podhalem Nowy Targ

1-15 min.

Poczontkowo faza szpilu to przewaga GKSu Tychy. Ze godnych uwagi we tym kwadransie je ino faul Konrada Budka kole pola karnego i po noszym eku uderzoł Robert Obst, ale trefioł we lata.

16-30 min.

Łod tego momyntu zacła sie agresywniyjszo gra. Nojprzód wolny mieli gospodorze i Smug wybijoł fajnie bala, a potyn co chwila boł faulowany fusbalorz Ruchu. Nojprzód Obst, potyn Duchowski. Po faulu na tym drugim, we 21 minucie Podgórski szczyloł, ale we rynce tormana GKSu.

31-45 min.

We 32 minucie fajnie uderzoł Bartolewski, ale niystety łobok tora GKSu. 5 minut późnij, we 37 minucie, Ruch Chorzów objon prowadzynie. Lucas Duriska minoł poru fusbalorzy GKSu Tychy, pocis bala po dugim supku ze 20 metrów i ta wleciała do tora. Przed pauzom jesce dwa razy szczylali gospodorze, ale Dawid Smug fajnie bronioł.

46-60 min.

Na drugo połowa, Ruch wyloz trocha zmiynionym składem. Juz we 48 minucie boła łokazjo do drugigo tora. Po tym jak bala zagroł Zieliński niy siyngnoł jeij Giel. Chwila późnij łokazjo mieli gospodorze, ale Lech we akcji som na som wyloz ze tora i łobronioł szczał. We 51 minucie zaś som na som, tym razym Walski i torman GKSu. Michał zdecydowoł sie łodegrać bala do Giela i niystety zdonżyli juz wrócić łobrońcy.

61-75 min.

We tym okresie szpilanio zaś boło wiyncyj agresji i faulów. We 70 minucie na szpilplac wloz Mandrysz i zacon coś biegać, ale niy boło to produktywne. Pod koniyc tego kwadransa uderzoł Kędziora, ale torman gospodorzy łobronioł tyn szczał.

76 – 90 min.

Jakub Rudek boł próbowany na lewyj pomocy i potyn na prawyj pomocy. Co chwila sioł zamynt we szeregach łobrony gospodorzy. Trza tyż dodać, że dobrze prezyntowoł sie Łukasz Wiech.
We 78 minucie dobrze zachowoł sie Lech kiery wloz do bala zanim rywal oddoł szczał. Chwila potyn Balicki mioł fest dobro łokazjo na tora, ale przeszczeloł, zaś we kontrze GKS trefioł we supek.
Dużo sie dzioło we tym momyncie, bo szpil szoł “szlag za szlag”. Nojprzód udowo sie Lechowi wybić bala, coby chwila potyn Mandrysz ugroł ek po uderzyniu, kiere wybijoł torman gospodorzy.
Mimo prób, łostatycznie GKS Tychy niy doprowadzioł do wyrównanio.
————
Ruch zagroł dobry szparing i niy ma co godać, ale jednak ze rywalem kiery gro liga wyżyj niż my. Dalyj somy niy pokonane i liczymy, że tak samo bydzie we lidze.

Zapis LIVE:
Niebiescy.pl => Kliknij
Ruch Chorzów => Kliknij


własne / dziynki pomocy LIVE: ruchchorzow.com.pl i niebiescy.pl

Komentarze

Dodaj komentarz

Twój adres email nie zostanie opublikowany.