(SZPARING) Ruch Chorzów – Stal Brzeg 1-0

Ruch Chorzów rozegroł szparing ze Stalom Brzeg. Po torze Bartłomieja Wdowika wygrywomy tyn szpil 1-0. Niybiescy rozegrali łostatni szpil we tym roku.

 Tryner Wleciałowski połoglondoł jak grajom fusbalorze kierzy we syzonie dostowali fest mało szans na gra, przi łokazji testowoł 5ciu nowych graczy:

Dominik Cheba (22 lata, bocny łobrońca. Kiedyś groł u nos we Młodyj Ekstraklasie)

Szymon Jarosz (21 lot, sztoper. Łostatnio Stomil Olsztyn)

Lucjan Zieliński (21 lot, pomagier. Łostatnio Miedź Legnica)

Nikita Brolin (23 lata, krzidłowy. Łostatnio 
Maardu Linnameeskond. Wywalczoł awans do ekstraklasy Estońskij. Szczeloł 19 torów)

Edgar Tur (22 lata, lewo, prawo łobrona abo pomoc. Łostatnio 
Paide Linnameeskond)

” Bydymy szczegółowo analizować i zastanowimy sie, czy tystowani zawodnicy byliby wzmocniyniem, czy som na poziomie tych, kierych już momy. Decyzja podyjmiemy w nojbliższych dniach. Nie łazi o to, by sklasyfikować ich jednoznacznie, na podstawie kilkudziesiynciu minut gry i dwóch – trzech treningach, ale pod kontym ewentualnygo zaproszynio ich na łokrys przigotowawczy. Wtedy można podjonć barzij wionżonco decyzjo” – godoł tryner Marek Wleciałowski po szparingu.


własne / niebiescy.pl

Komentarze

Dodaj komentarz

Twój adres email nie zostanie opublikowany.