Tag Archives: #Meldunek

Ślonski LIVE ze szpilu Ruch – Skra ino u nos!

Dzisioj, we ramach trzecij raji szpilów Drugij Ligi, zagromy na Cichyj 6 szpil ze Skrom Czynstochowa. My zapraszomy do obycności na trybunach, ale fto niy może, może poczitać nosz Ślonski LIVE.

Szpil zacnie sie ło osiymnostyj, a my zacnymy szprechać juz kole siedymnostyj. Link mocie tukej: Ślonski LIVE: Ruch – Skra

Zapraszomy do nos!


własne

Ślonski LIVE ze szpilu Ruch Chorzów – Radomiak Radom ino u nos!

Dzisioj inaugurujymy syzon II Ligi na Cichyj 6! Do Chorzowa przijeżdżo drużina Radomiaka ze Radomia. My tyn szpil poszprechomy po naszymu.

 

Szpil sztartuje ło osiymnostyj, a my zacnymy szprechać juz kole siedymnostyj. Link mocie tukej => Ślonski LIVE: Ruch – Radomiak

 

Zapraszomy do nos!


własne

 

Zmiany po spotkaniu Rady Nadzorczyj

Rada Nadzorczo wybrała przewodniczoncego i wiceprzewodniczoncych na wcorajszym zybraniu.

Przewodniczoncym łostoł Zdzisław Bik, zaś wice przewodniczoncymi – Marcin Michalik i Janusz Paterman. Paterman dodatkowo bydzie łodpowiydzialny za kontakty ze PZPN.

Zarzond postanowioł, że ze wzglyndów oszczyndnościowych, niy bydzie powoływany wizeprezys.


własne / ruchchorzow.com.pl

Zmiany we Radzie Nadzorczyj Ruchu!

Ze funkcji wiceprezysa zrezygnowoł Pułkownik – Zbigniew Piątek i na ta chwila momy ino jednygo prezesa – Jana Chrapka. Poniżyj tyż zmiany we RN:

Odlyźli: Mariusz Śrutwa, Adam Stankiewicz i Rafał Byrczek. Prziszli za to nowe do RN: Janusz Paterman, Michał Dubiel, Marcin Michalik i Zdzisław Bik.

 

Niybawym mo łodbyć sie zgromadzynie RN na kieryj wybiere sie przewodniczoncygo RN.


własne / ruchchorzow.com.pl