Wsziscy na Cicho 20 kwiytnia! Szpil ze Pogoniom Siedlce!

20 Kwiytnia 2018 roku zagromy szpil ze Pogoniom Siedlce. Ze racji, że je to szczególno data to sprawdzili my jak to wyglondało we historii.

Piyrwszy szpil we gyburstag – Ruch zagroł we 1947 roku. U sia wygrali my…ba! Rozgromili my RKS Łagiewniki 10:2! Tory szczylali Cebula (3), Wodarz (2), Cieślik (4), Suszczyk (1).

Na nostympny szpil we urodziny Ruchu kybice czekali do 1958 roku – wtedy rymis 1-1 ze Odrom (Budowlanymi) Opole (tora do Ruchu szczeloł Eugeniusz Lerch).

We 1966 roku, 20 kwiytnia u sia wygrali my ze Legiom Warszawa 2-0 (Lerch i Faber) i na nostympny – urodzinowy – szpil zaś musieli my czekać pora lot.

1974 i szpil u sia ze Szombiyrkami Bytom (1-0 po torze Benigiera) i potyn zrobili my Majstra Polski!

We 1977 roku nostympny szpil we 20 kwiytnia, tym razym wyjazd ze ŁKSym Łódź. 2-0 do przodku po dwóch torach Albina Wiry.

Na nostympny taki szpil trza boło czekać do 1985 roku. Zaś szpil u sia i tym razym 1-0 wygrywomy ze Lechiom Gdańsk, a tora do nos szczyloł Gucio Warzycha, a rok późnij gali my zaś i na wyjyździe ze Górnikiym Wałbrzych wygrali my 2-1. Tory Bąk i Kapica.

Piyrwszo porażka we gyburstag to 1991 rok… szpil ze GKSym Katowice sfalony
0-1.

Nostympnie we 1997 roku zagrali my ze Amicom Wronki (2-2, tory Bąk i Bizacki) i zaś cekali my na szpil do 2002 roku. To boła naszo drugo przegrano we gyburstag (ze Odrom Wodzisław Ślonski 3-1, tora do nos szczyloł Woś) boł to szpil grupy mistrzowskij (piyrwszy roz podzielono liga).

We 2005, we II lidze zagrali my szpil 20 kwiytnia, a boło to ze Świtym Nowy Dwór na wyjyździe. Tyn szpil tyż my sfalili 0-1. Potyn łotarli my sie ło spadek, ale po barażach my sie utrzymali.

Dopiyro po 5 latach zagrali my nostympny szpil, rywanż ze Odrom Wodzisław (wygrano 3-2 po Hat-Tricku Janoszki). Co ciykawe, tyn szpil mieli my zagrać nojpiyrw 11 kwiytnia, ale łostoł przełożony skuli katastrofy samolotu we Smolyńsku.

We 2012 roku robili my wicemajstra! We nosz gyburstag na wyjyździe wygrali my 1-0 ze Poloniom Warszawa po torze Żelijko Dżokicia i boł to nosz łostatni szpil kiery grali my 20 kwiytnia.

Terozki, po 6 latach zaś zagromy we urodziny Ruchu Chorzów. Zagromy u sia i liczymy na komplyt kybiców!

Bilans szpilów we 20 kwiytnia:

13 szpilów. 8 wygranych, 2 rymisy i 3 sfalone. Bilans torów: 26 szczylonych do 13 straconych.

U sia:

5 wygranych, 1 rymis, 0 sfalonych, tory 19-6

Wyjazd:

3 wygrane, 1 rymis, 3 sfalone, tory 7-7

 


własne

Komentarze

Dodaj komentarz

Twój adres email nie zostanie opublikowany.