Zaś ino rymis… – konferyncja prasowo po szpilu Ruch – Gryf (1:1)

Ruch Chorzów zagroł dobrze, ale niyskutecznie i we efekcie zamiast wygrać, ino zrymisowoł szpil ze Gryfym Wejherowo. Zapraszomy na zapis konferyncji prasowyj po szpilu:

Zbigniew Szymkowicz (Gryf): “Niy ukrywom, że szpil boł emocjonujoncy. Piyrwszo połowa do Ruchu, a my grali bez noszych podstawowych fusbalorzy.

Ruch to znano firma, legynda polskigo fusbalu, a u mie we drużinie som chopcy, co niy zagrali nawet we trzecij lidze, a tukej, jak wylyźli na sztadion drużiny, co zdoboła kilkanoście mistrzów Polski, to niykiere mogli mieć nogi ze waty.

Myśla, że wynik je szprawiedliwy. Piyrwszo połówka do Ruchu, ale naszo detyrminacja we łostatnich 25 minutach szpilu prziniosła tora. Brakło trocha umiejyntności i trza boło być czujnym, bo drugi tor do Ruchu zamknoł by tyn szpil. My chcieli doprowadzić do rymisu, a we takich chwilach cza dować pozór, co niy łostaliby my znokautowane”.

Dariusz Fornalak (Ruch): “Srobiyli my wiela, coby tyn szpil wygrać, ale niy zrobili my wszistkiego. Mieli my łokazje szczelać tory, ale niy boło wykończynio. Po roz kolyjny my niy zamykomy szpilu. Zaś indywidualny błond we kryciu i tracymy tora i dwa punkty.

cołki czos pracujymy, coby niy popyłniać tych samych błyndów. Nawt, jak niy wykorzistomy sytuacji do swoich torów, to dalyj by my prowadzili. To je kopiuj – wklej ze szpilu we Boguchwale. Krycie i czynnik ludzki zawodzom”.


własne

Komentarze

Dodaj komentarz

Twój adres email nie zostanie opublikowany.