[BARAŻE]: Ruch Chorzów – Motor Lublin!

Po wygranyj nad Radunią Stężyca we piyrwszyj rundzie szpilów barażowych o awans do Fortuna I ligi prziłazi czas na finał. Rywalem bydzie ekipa Motoru Lublin.

We Suwałkach tamtyjsze Wigry szpilały ze Motorem Lublin kery pewnie i we regulaminowym czasie wygrŏł aż 4:0 i tym samym barzij wypoczynci po szpilu przijadom do Chorzowa.

Klub prowadzi sprzedaż biletów na szpil finałowy. Kupicie je tukej => BILETY NA BARAŻ. Ze racji, że jest srogie zainteresowanie mogom być chwilowe problymy ze zakupem, ale klub już działo coby to usprawnić.

Bilety kupicie tyż we Strefie Kibica na Cichyj 6 i we „eRce” na ul. Jagiellońskiej we Chorzowie.

Ze informacji wyniko, że tym razem przijedzie tyż ekipa kybiców Motoru wiync szpil zapowiado sie jeszcze barzij ciekawie.

Nasi fusbalorze na pewno potrzebujom jeszcze wiynkszego wsparcia wiync liczymy, że żodnego niy zabraknie na trybunach.

WSZYSCY NA FINAŁ!


własne