[BARAŻE]: Ruch Chorzów – Radunia po naszymu ino u nŏs!

Prawdziwo walka o awans zaczyno sie szpilem barażowym ze Radunią Stężyca! Szpil ode 17:45 na Cichyj 6, a do wszistkich co niy bydom mogli być zrobiymy Ślōnski LIVE szkryflany.

We syzonie zasadniczym, na jesieni, Ruch wygrŏł we Stężycy 2:1, a tory szczylali Michał Mokrzycki i Przemysław Szkatuła. Zaś na rywanżu, we Chorzowie lepszo bōła ekipa Raduni kero wygrała 1:0 po torze Kuby Lizakowskiego.

Dzisiej już wiemy, że ze klubu odlezie Michał Mokrzycki, kery przeniesie sie do Wisły Płock, ale „Mokry” sŏm godo, że mo tu jeszcze robota do wykonanio i niy odpuści do ostatnij minuty.

Radunia sie rychtuje ostro na tyn szpil. Po problymach dostała licencjo na gra we piyrwszyj lidze i idzie myśleć, że łatwo niy odpuści, a ze zadku wiedzom sami, że już roz na Cichyj 6 wygrali.

Szpil zapowiado sie ekstraklasowo bo syndziować bydzie Jarosław Przybył i we Chorzowie piyrwszy rŏz we historii bydzie używany system VAR.

Na tyn szpil niy obowiązujom karnety, a bilety (pora sztuk ostało) możecie kupić TUKEJ.

Fto niy bydzie móg być na szpilu, ani patrzeć we TVP Sport to bydzie móg śledzić naszo Ślōnsko relacja szkryflano, kero zacznymy kole 16:50, a znŏjdziecie jŏm tukej: Ślōnski LIVE: Ruch – Radunia.

WSZYSCY NA BARAŻ!!!!


własne