Co we trowie pisko – transferowo karuzela

Łokno we noszym kraju otwiyro sie dopiyro 1 lutego, ale juz terozki trocha sie dzieje na noszym podwórku. Poniżyj nieco opisu na tyn tymat:

Zacnymy łod tego, że jak my pisali, tak sie stało. Mateusz Majewski odloz ze klubu po zakończyniu kontraktu. Trwoł do końca 2018 roku.

Niy je dalyj jasno sytuacja Jakuba Kowalskiego. Jego kontrakt tyż juz sie skończoł, ale jesce żodnych rozmów ło jego przedłużyniu niy boło. Kowal podkreślo, że Ruch mo pierwszyństwo i wierzy, że niybawym sprawa sie wyjaśni.

Klub zapewnio, że dokłado starań do przedłużynio wygasajoncygo kontraktu Mateusza Bogusza. Tymu kontrakt końcy sie we czyrwcu 2019r. Ze różnych źródeł dowiadywalimy sie łostatnio, że mioł oferty ze Anglii, np.
Brighton & Hove Albion i Leeds United. Leeds mocno zabiego ło Bogusza (ze noszych informacji wyniko, że transfer je niymal pewny, ale póki nic niy ma na papiorze, to…wiadomo) i niy wykluczone, że jednak przeniesie sie tam juz we tym łokiynku.

Do klubu bołoby to dobre rozwionzanie, coby cokolwiyk wpłynyło do kasy, ale pamiyntyjmy tyż, że ze racji długości kontraktu jego akcje nie som juz tak fest wycyniane jak na przikład przed syzonem.
Dodomy, że klub zapewnio, że chce go zatrzimać.

Ze drużiny łodyjdzie Gracian Komarnicki. Prawdopodobnie bydzie wypożycony do Stilonu Gorzów.

Na łokrys przigotowawczy klub zaprosioł 3 ze 5ciu testowanych ze szparingu ze Stalom Brzeg. Som to:
– Edgar Tur ( ze Estonii, może szpilać na łobu bokach łobrony i pomocy, mo 22 lata);
– Dominik Cheba (kiedyś boł juz we Ruchu, groł we Młodyj Ekstraklasie, mo 22 lata, może szpilać na boku łobrony);
– Lucjan Zieliński (21-lytni pomocnik, łostatnio boł we Miedzi Legnica).

Fusbalorze wrocajom do tryningów 7 stycznia. Piyrwszy tryning zaplanowany je na godzina 9:30 we hali chorzowskigo MORiSu.


własne

Komentarze

Dodaj komentarz

Twój adres email nie zostanie opublikowany.