Drugŏ raja szpilów III Ligi. Ruch jedzie do Gaci.

Rychtuje sie fest poszarpanŏ drugŏ raja szpilów we nŏszyj grupie III Ligi ze wzglyndu na zagrożynie epidemiczne.

Gwarek niy zagrŏ ze Polonią Bytom, sŏm tyż problymy ze szpilem Ślęzy ze Pniówkiem. Ruch zagrŏ jednak zgodnie ze planym swój szpil zze Foto Higieną Gać.

Drużina ze Gaci powstała we 1946 roku. Ich nojwiynkszym sukcesym je gra we III Lidze. Sztadion na 600 miyjsc znajduje sie we Oławie. Mimo poczōntkowych informacji, że kybice ze Ślōnska niy bydŏm wpuszczane, klub wydŏł oświadczynie, że kŏżdy co zakupiōł bilet, wlyzie normanie na sztadion. Sztart szpilu zaplanowany je na godzina 17:00.

We tydniu Ruch podpisŏł kontrakt ze 17-lytnim tormanem Wiktorem Gasztykiem. Sŏm tyż straty. Ruch wypożyczōł do AKSu Mikołów Pawła Starzyńskiego, a na transfer definitywny do Wisły Kraków poszōł Piotr Starzyński.

Szpil Foto Higiena Gać – Ruch Chorzów bydzie szło zobŏczyć we TV. Trza sie kupić dostymp, a to zrobicie tukej => FotoHigiena – Ruch LIVE TV

Ruch po piyrwszyj wygranyj powinien nabiyrać pyndu i we szpilu w Gaci na pywno zobŏczymy jesce lepszŏ drużina. Rywal tyż wygrŏł piyrwszy szpil (ze Polonią we Nysie 2-1) i majŏnc ze zadku szpil ze zeszłygo syzonu, trza bydzie uważać we zadkach na ataki gospodŏrzy. Mimo wszistko sŏmy spokojni i liczymy na 3 punkty Ruchu. Typ: 1-2.

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej!


własne