Garbarnia Kraków – Ruch Chorzów po naszymu u nŏs!

Po inauguracyjnym rymisie pora na trzi punkty. Czy udŏ sie je zdobyć we Krakowie? Drużina trynera Skrobacza niy ukrywŏ, że fest chce wygrać we 22 raji eWinner II ligi.

Na ta chwila Garbarnia zajmuje we lidze 9 plac. Mo 30 punktów i 7 straty do Ruchu, ale we syzonie do zadku ciśli sie ło baraże wiync tukej jeszcze nic niy idzie pedzieć.

Ruch Chorzów dobrze grôł ze Lechem II, ale we końcu brakło sił i drużina ze Poznania wcisła rymis, a po szpilu wsziscy czuli niedosyt. Wierzymy zatym, że dzisiej Ruch wywiezie ze Krakowa trzi ważne punkty.

Do Krakowa niy pojedzie Bartek Kulejewski, kery we szpilu ze Lechem II chyciōł 4 żółto kartka i skuli tego musi pauzować jedyn szpil. Zagrożyni som Marcin Kowalski, Kacper Będzieszak i Piotr Wyroba.

Na jesiyni, we Chorzowie bōło 0:0, a jak bydzie dzisiej? Szpil ło 12, a już kole 11:15 bydziecie mogli czitać nŏs po naszymu! Link do szpilu TUKEJ.

Zapraszômy tyż do łobstawianio we nôszyj zabawie #TyperNaNiebiesko kaj Fan Club Deutschland przigotowoł fajne nagrody! Idzie wygrać karnet na cołki syzon na Ruch, abo gadżety FCD! Link do zabawy tukej => Typer Na Niebiesko

Zapraszŏmy do nos!


własne