Garstka wspomnień z nieco innyj perspektywy …

Żeby sie oderwać od pewnych rzeczy człowiek czasym po prostu wspomino rzeczy miłe, osoby richtich ważne… i mom tak i jo, mojo muti to tako osoba, kero wspominom z rozrzewnieniem, bo mie jej autentycznie brak, nie żyje już trocha, a dziynki m.in. Ruchowi moga ja wspominać.

Kiedyś był taki program może pamiętacie „Nauka jazdy” i my ze mojom siorom czytomy we cajtungu Rafała Musioła ogłoszenie, że szukajom do niego ludzi. I łod razu pdzieli naszyj muti zeby poszła na casting i łona sie zgłosiła i wygrała tyn casting. Miołech nadziejo, że muti bydzie jeździć ze kibicem Ruchu, prezenterm radia Fest, kere współpracuje ze Ruchem i ze Kubom Kurzelom. Ale myśla, że łone to by te auto niy wiym co by śnim zrobili … zagodali by sie na smierć, bo richtich mojo muti mioła talynt to łosprawianio, na sczynście Pani Mandryk niy … i jest takie kiedy ekipa TVN u nos i jo mioł L-4 i padajom tak, a co Ty robisz poza szkołom i jo im pokozoł te moje segregatory … i tak powstoł jedyn z najgryfniejszych łodcinków sportowych tego programu i sam pokozali lokowanie produktu pt. Ruch Chorzów. Jest żech fest z tego dumny, z tego, że mogłech na cołko Polska promować Ruch ścianami swojij izby … powiym tyla kibice GieKSy i Żaboli u mie we izbie sie źle czuli … za to jo naprowde gRyfnie. I terozki dziynki tymu właśnie moga sie tyż powspominać mojo świyntyj pamieci muti, kero bardzo mi wspierała we tym zbieraniu autografów. Brak mi jej, ale toko mom pamiontka wspomnieniowo, dlatego Ruchu Chorzów dziynki Ci, że dziynki m.in Twoim barwom moga wspomnieć najbliższo mi osoba. Mama bardzo wspierała mojo miłośc do Ruchu, dziynki jej żech poznoł ś.p. honorowo Pani Prezes Ruchu Pani Barbara Blida … teroz mi je fest żol … bo mojo muti leży od Pani Blidy jakieś 20 metrów … na jyj pogrzebie dowali my razem ze Panem Hermanowiczem wieniec łode Ruchu, czasem fajnie je po prostu powspominać ludzi kerych nom brak.

Na dole dowom link do łodcinka … mom nadziejo, że ktosik go jeszcze paminto…

http://player.pl/programy-online/nauka-jazdy-odcinki,507/odcinek-11,S02E11,9143.html

Filmik je ze playera TVN, ale myśla, że nikt sie sam niy łobrozi, że my sam to dali.


Hazok

Dodaj komentarz

Twój adres email nie zostanie opublikowany.