„Jadymy do Rzeszowa szpilać o 3 punkty i sŏmy pozytywnie nastawieni” – wypowiedzi Tomasza Foszmańczyka i Piotra Wyroby po szpilu ze Sokołem Ostróda

Ważne trzi punkty – kere przibliżajōm Ruch do Chojniczanki – zdobyte dopiyro we drugij połowie szpilu skomyntowali kapitan Ruchu – Tomasz Foszmańczyk i defensywny pomagier – Piotr Wyroba:

Tomasz Foszmańczyk: „Ciynżki szpil wbrew pozorom, ale tego my sie spodziywali, że do straty tora bydŏm sie stawiać. My ich zmynczyli we piyrwszyj połowie i ta drugo we nŏszym wykonaniu bōła fest dobro. Jŏ jest zadowolony ze tego jak my szpilali. Wiadomo, że chciałoby sie szpilać lepij do oka, ale zrobili my to co chieli i wygrali szpil.

We drugij połowie szybko szczelili my tor i to nŏm ułatwiōło szpil. Jakby sie nŏm to udało we piyrwszyj połowie to wynik chyba bōłby fest wyższy, ale naszym problymem bōły okazje ze stałych fragmnyntów gry. Mieli my ich fest dużo, ale niy bōło ze nich żŏdnygo zagrożenia. Muszymy we tym solidnie porobić, ale ogólnie jestech zadowolony.

Dzisiejszego wyniku Chojniczanki my niy znali przed szpilem, ale we pauzie sŏm żech sprawdziōł bo chciŏłech chopców dodatkowo zmotywować tym wynikiem bo u nŏs do pauzy niy wyglōndało to ciekawie, ale dobrze, że potyn to wypŏlōło.

Szpil ze Stalą bydzie szpilem rundy, szczególnie, że Chojniczanka gro ze Motorem wiync mŏmy tako świadomość. Jadymy do Rzeszowa szpilać o 3 punkty i sŏmy pozytywnie nastawieni”.

Piotr Wyroba: „Brakowało nŏm skuteczności bo sytuacje bōły. Mielimy do pauzy 12 eków, bōły składne akcje. Wiadomo, że goście tyż mieli swoje okazje i we obronie my trocha przispali, ale nŏjbarzij brakowało tyj skuteczności we piyrwszyj połowie. Po pauzie już niy grŏłech i na pewno jakoś nerwówka jest, ale to barzij na sia, że szło lepij grać, żeby pograć jeszcze we drugij połowie. Jak widać zmiany prziniosły efekty i bezto sie ciesza ze 3 punktów i gonimy Chojnice.

Mŏm sporo konkurencja. Mokry sie niy wykartkowŏł. Bōł rychtowany na szpil ze Stalą, ale jest we tak dobryj formie i życza mu jak nŏjlepij, tak jak Patrykowi Sikorze – chociŏż to mój rywal do granio – to jest synek po dwóch kontuzjach i życza mu zdrowia i formy.

Szpil ze Stalą bydzie takŏm weryfikacjom. Chojnice tyż majōm ciynżki szpil, ale my skupiomy sie na sia i chcemy powalczyć o tyn drugi plac i bezpośrydni awans. My sômy ambitne i stawiŏmy se jasny cel, że chcemy awansować bezpośrednio. Wiadomo, że we barażach bywo różnie i my patrzymy w góra, a nie na dół.”


własne