Kacper Kawula odłazi ze Ruchu

Klub oficjalnie podŏł informacja, że po 2 latach ze klubu odłazi Kacper Kawula. Obrońca Ruchu walnie prziczyniōł sie do awansu Ruchu ze III ligi.

„Chciŏłbych podziynkować drużinie za tyn czas kiery tukej spyndziōłech. To bōły fajne dwa lata, kere okrasiōłech awansem do II ligi. Terozki trza sie skupić coby wrócić do pełnyj sprawności” – gŏdoł Kawul do oficjalnyj zajty.

Klub poinformowŏł tyż, że mimo rozwiōnzanio kontraktu to dociepnie sie do zabiegu i rehabilitacji Kacpra.

Życzymy powodzynio dalyj we karierze i kupa zdrowiŏ! Dziynki Kawul!


własne / ruchchorzow.com.pl