Kolejno cegiełka dołożono – wypowiydzi i konferyncja po szpilu Ruch – Siarka

Niybiescy po roz drugi wygrywajom szpil po torach rezyrwowych. Po szpilu momy wypowiydź Piotrka Giela, Kuby Kowalskiego i ocywiście zapis konferyncji. Wszistko po naszymu:

Wypowiydzi:

Piotr Giel: „Strzeliłech tora i to mie fest raduje, bo to je piyndziesionty mój tor we drugij lidze. Siarka dobrze sie bronioła, łatwij je sie bronić, niż atakować. Późnij pojawiały sie sytuacje i w końcu zacły wpadać tory.”

Jakub Kowalski: „Przi 1-0 szpil jesce boł otwarty, Siarka sie odkrywała. Walski wyprzedzioł zawodnika i żol, że som niy skończoł tyj kontry, ale jo bołech tam kaj żech być powinien.
Cieszy nos tako seria dwóch wygranych ze rzyndu i licza na to, że ze Radomia tyż prziwiezymy 3 punkty.”

Konferencja:

Włodzimierz Gąsior (Siarka): „Szportowo uważom, że poziom boł powyżyj średnij. Niy boło może wiela sytuacji bramkowych, ale takich bezpośrydnich starć. Wygroła drużina, kiero szczelała tory. My na łostatnich 7 szpilów szczelili 1 tora.
Niybiescy majom doświadczono drużina, wielu fusbalorzy mo za sobom przeszłość ekstraklasowo i my docieniomy ta wartość. Gratuluja gospodarzom wygranyj.”

Marek Wleciałowski (Ruch): „Boły to szibkie, dobre zawody. Goście wylyźli na tyn szpil agresywnie we znaczyniu ruchliwości, biegania. My we piyrwszyj połowie starali sie stworzić jakieś namiastki akcji, ale jedna, drugo, trzecio akcja niy kończoła sie tak jakby my tego chcieli.
We drugij połowie tyn szpil ułożoł sie juz tak, że na koniyc sie cieszymy.
We noszyj drużinie kożdy fusbalorz je ważny i chca, żeby kożdy z nich boł zawsze gotowy wlyź na szpilplac. Dzisioj sie cieszymy, ale we prziszłym tydniu juz myślymy ło nastympnym szpilu.”


własne

Dodaj komentarz

Twój adres e-mail nie zostanie opublikowany.