Lech, Duchowski, Swikszcz i Rudek ze nowymi klubami!

Lista transferowo Ruchu Chorzów skurczoła sie do zera. Kożdy ze znajdujoncych sie na nij fusbalorzy znaloz już nowy klub, abo skończōło sie rozwiōnzaniym kontraktu.

Kamil Lech – po dobryj rundzie we Warcie Gorzów Wielkopolski, Ci postanowiyli zaś go wypożiczyć. Tym razym na cołki syzon, ale ze zapisym ło ewentualnym wcześniyjszym zakończyniu wypożyczynia.

Tomasz Mamis – mioł być zastympcom Mateusza Winciersza, ale juz u trynera Berety dostoł ledwo pora minut we III Lidze, zaś tryner Skrobacz niy znaloz do Tomasza żodnyj pozycji. Łostatycznie zgłosiōła sie Miedź Legnica i to tam trefiōł Mamis.

Kamil Swikszcz i Jakub Rudek – byli testowani bez Śląsk Świętochłowice i łostatycznie klub ze Świyntochlowic zdecydowoł sie ich wypożyczyć na najbliższo runda.

Mateusz Lechowicz i Mateusz Duchowski – piyrwszy po kontuzji już mioł bieda zagrać u trynera Berety. Wiyncyj bōł na ławie, niż we grze, a tryner Skrobacz mo na jego pozycji mocny skład modych, zaś Mateusz Duchowski spyndziōł runda na wypożyczyniu we Gryfie Wejherowo ale po powrocie do klubu tyż niy znaloz uznanio we oczach trynera. Łobydwa fusbalorze rozwiōnzali kontrakty ze porozymiyniym sztron. Dziynkujymy i życymy powodzynio we dalszyj karierze!


własne