Lech i Kwaśniewski we nowych klubach, Ruch podpisôł Żuka – nowe transferowe informacje

Po szparingowym szpilu ze Sandecją Nowy Sącz, sztab szkolyniowy Ruchu podpisôł kontrakt ze nowym fusbalorzem – Pawłem Żukiem.

Żuk mô 20 lot (21 gyburstag bydzie 29 stycznia) i jest pomagierym. Do tyj pory szpilŏł we juniorskich drużinach Oldhamu Athletic i Evertonu, a łod 2019 roku bōł we Lechii Gdańsk i łostatnio we Wiśle Płock. Zaliczōł 5 wystympów we Ekstraklasie. Kontrakt podpisŏł do 30 czerwcŏ 2022 roku ze opcjom przedłużyniŏ ło rok.

Piotr Kwaśniewski podpisôł kontrakt ze Siarką Tarnobrzeg. Były pomagier Ruchu rozwionzŏł ze klubem ze Chorzowa kontrakt za porozumiyniym sztron.

Kamil lech po testach wróciōł do Chorzowa, ale tyż rozwnionzŏł ze klubem kontrakt i podpisôł umowa ze Kotwicą Kołobrzeg (2 plac we III lidze).

Jakub Siwek łostŏł wypożyczony do końca syzonu do Polonii Bytom.

Testowany łostatnio Kacper Janiak zakończōł testy i niy łostanie fusbalorzem Ruchu Chorzów.


własne