LKS Goczałkowice Zdrój – Ruch Chorzów [ZAPOWIYDŹ]

Dzisiej, ło 13:00 zacnie sie szpil 18 raji szpilów III grupy III Ligi pomiyndzy LKSem Goczałkowice Zdrój, a Ruchem Chorzów.

LKS to klub kiery powstôł we 1960 roku, a ich nôjwiynkszym sukcesym jest gra we III Lidze. Ło klubie zrobiōło sie głośno kiedy mocno zaangażowôł sie we jego budowa Łukasz Piszczek.

Tabyla pokozuje, że LKS wygrôł u sia ino 2 ze 8 rozgrywanych szpilów (2-1 ze Ślęzą Wrocław i 3-2 z Foto-Higieną Gać) i roz udało im sie zrymisować (1-1 ze Górnikiem II Zabrze).

Drużina LKSu u sia se ewidyntnie niy radzi i nawyt patrzōnc na fakt, że wygrali ze Ślęzą liczymy, że Ruch pywnie pokono drużina prowadzono przez grajôncego trynera – Piotra Ćwielonga. Nôsz typ: 0-3.

Kybice bojkotujom telewizyjno rylacja tego szpilu, ze wzglyndu na to, że do tyj pory wszistkie szpile LKS pokazywôł za darmo, a terôz chce za rylacja 15 zł. Wiadomo, że kybic bydzie kupować, jak jego klub mo z tego cosik mieć, ale we tyj sytuacji côłki zysk mo trefić do klubu ze Goczałkowic.

Niy ma jednak tak źle, bo Radio Widzew za darmo zrobi radiowy LIVE => LKS – Ruch kiery poprowadzi duet komyntatorski: Maciej Wojciechowski i Dawid Godziek.

Szpil sztartuje ło godzinie 13:00, rylacja zacnie sie kole 12:50!

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej!


własne / graf – Olaf