Łostatni ligowy szpil Ruchu we 2021 roku po naszymu ino u nŏs!

Ruch Chorzów po rŏz łostatni we tym roku wylyjzie na szpil ligowy we eWinner II lidze. Na wyjyździe zagrōmy ze GKSem Bełchatów.

GKS zaczynŏł liga łode minusu punktowygo, ale po 19 rajach mo już 15 oczek. Niy wiela to sie zdo, bo sôm we strefie spadkowyj, a do placu bezpiecznygo tracôm na ta chwila 8 punktôw. Na jesiyni, we Chorzowie sfalili 0:4 i dzisiej już ze nowym trynerem bydôm chcieli sie łodegrać.

Ruch Chorzów niy wygrywo łod 4 szpilów (łostatnio wygrali 5:2 ze rezyrwami Śląska Wrocław) ale na konferyncji przed szpilem tryner Skrobacz godôł, że jest szportowo złość we drużinie i bydōm chcieli wygrać, bo bez trzi miysiōnce tyn wynik łostanie ze nimi.

Szpilu niy bydzie dzisiej we TV, a jedynie na Sportize.pl i łoczywiście skuli tego zapraszômy jeszcze mocnij do śledzynio nŏszyj tekstowyj rylacji LIVE!

Szpil mo sie zaczōnć ło 18:00, link do nŏszego LIVE mocie tukej => LIVE: GKS – Ruch kaj zacnymy szprechać juz kole 17:00!

Zapraszmōmy do nŏs!


własne