We łostatnim szparingu przed sztartem rundy wiosynnyj eWinner II ligi – Ruch Chorzów – sfalōł ze piyrwszoligowom Skrą Częstochowa 0:2.
Przed szpilem łodbōła sie prezyntacja drużiny i tradycyjnie głos dostŏł tryner – Jarosław Skrobacz – i kapitan – Tomasz Foszmańczyk. Łobaj podkryślali, że cel jest jasny i potrzebne sôm do tego kybice. Tych dzisiej niy brakło bo bōł komplyt pod impreza niemasowo – 999.
Tuż przed szpilem szparingowym Klub podŏł informacja, że nowym tormanem łostŏł testowany łostatnio Jakub Osobiński. 21 – lytni torman bōł łostatnio fusbalorzem Korony Kielce.
I połowa:
Bielecki – Kulejewski, Kasolik, Szywacz – Żuk, Wyroba (30′ Marković), Sikora, Wójtowicz – Janoszka – Stępień, Chiliński
II połowa:
Bielecki (62 – Tomasz Nowak) – Kulejewski (62 – Będzieszak), Kasolik, Szywacz – Żuk (62 – Jakub Malec), Sikora (62 – Wyroba), Marković, Szkatuła – Foszmańczyk, Janoszka (79 – Bąk) – Szczepan.
27 lutego na Cichyj 6 zagrŏmy ze Lechem II Poznań. Bydzie to szpil we ramach 21 raji szpilów eWinner II ligi.
Na trybunach pojawiōł sie dzisiej Mariusz Idzik, kiery we towarzystwie Michała Mokrzyckiego i Jakuba Nowaka obejrzôł côłko piyrwszo połowa szparingu.
własne