„Niebiescy” wygrali ważny szpil! Konferencja po Ruch – Olimpia [Po Ślōnsku]

Po torze ze elwra Ruch Chorzów wraco na właściwe tory i wygrywô szpil ze Olimpią Elbląg we Chorzowie. Po szpilu mŏmy zapis konferencji prasowyj po naszymu, czyli po Ślōnsku:

Tomasz Grzegorczyk (Olimpia): „My sôm zawiedzyni, że nie wywożymy choćby punktu ze tego szpilu. Tryner pewno przeanalizowôł nasze bra,i kadrowe i my mômy problym. Myśla, że zdali my egzamin we piyrwszyj połowie. My chcieli żeby Ruch grôł we ataku pozycyjnym, a my we szybkim. To mogło nôm dać dobry skutek, ale na pewno mômy do poprawy stałe fragmynty. Drugo połowa to braki mondrości we prowadzyniu bala. My mieli swój plan i żol, bo realizowalimy go do zmian. Potyn gupi faul Stanisławskiego i dostowômy tora. Przijmujymy ta porażka, gratulujymy Ruchowi i lecymy dalyj.

Fajnie bōło szpilać przi takich kybicach. Fusbalorze zbiyrajôm dobre doświadczynie i ta atmosfera na pewno jest ze wielkom korzyściom do wszistkich”.

Jarosław Skrobacz (Ruch): „Dziynki za gratulacje. Myśla, że my przeanalizowali rywala na wylot i tyn szpil bôł mocno taktyczny. My wiedzieli, ze nôsz atak pozycyjny i sztraty we rozygraniu i seria tych stałych fragmyntôw keire my sami prokurowali to bydzie powodować zagrożynie i tak tyż bōło. Szkoda tych sytuacji Ecika kepom i Mokrzyckiego ze szczałem. Trza bōło czekać na swoja łokazja i pilnować zadki. My zaczli grać lepij we drugij połowie balami na krzidłach i to nôm przinosiōło efekt. Gralimy ze rywalem kiery torów niy traci dużo i ta wygrano na pywno nôs cieszy”.


własne