Mimo tego, że szpil niy należŏł do fajnych to udało sie dopchać wygrano i dociepnonć do tabeli ważne trzi punkty. Tora na wŏga wygranyj szczelōł Daniel Szczepan.
Po szpilu bylimy na konferencji prasowyj i poniżyj prezetujymy jeij zapis po naszymu:
Bogdan Zając (KKS): „Przede wszistkim gratuluja trynerowi Ruchu. Wygrano. Wiadomo, że kŏżdy szuko punktów i dzisiej nŏm sie to niy udało. Bōł to szpil do jednego tora i tyn tor dŏł wygrano gospodorzom.
We piyrwszyj połowie udŏwało nom sie unikać unfalów i dobrze to szło, ale potyn strŏncono bala kepom i strata tora. Po pauzie trocha pobudzili my sie do szpilanio i lepij utrzimywali my sie przi bali. Bōło pora łokazji, choby ta Nestora Gordillo, ale bala łobiōła supek. Szpil niystety sfalŏmy 1:0 bo gospodorze byli dzisiej skuteczniyjsi”.
Jarosław Skrobacz (Ruch): „Dziynkuja za gratulacje i zgadzŏm sie ze trynerem Zającem we łodbiorze tego szpilu. My dzisiej jako Ruch wygrali szpil i sŏmy bardzo zadowolyni bo czynsto szpilali my lepij do oka ale niy bōło punktow i gŏdało sie ło niedsycie, ło braku szczynścia, a dzisiej szpil niy bōł ładny i KKS tyż miŏł swoje łokazje.
Tyn szpil tak wyglondŏł, że gra bōła przerywano, tracili my czasami bala, ale dopisujymy trzi punkty i sŏmy we tym samym miyjscu co wcześnij i czekŏmy na szpil ze Wigrami Suwałki”.
Poniżyj zapis wideo łode RUCH TV:
własne / ruch tv