Nŏjstarsze Derby Ślōnska dla Ruchu! – Konferencja po szpilu Ruch – Polonia [3-1]

Dario

Ruch Chorzów pewnie pokonŏł Polonia Bytom 3-1. Tory do Niybieskich szczylali Kasolik, Idzik i Jakub Nowak. Po szpilu byli my na konferyncji prasowyj. Zapraszŏmy do lektury, ocywiście po Ślōnsku 🙂

Tomasz Włoka (II Tryner Polonii): „Na pywno fest dobre widowisko do kŏżdego kybica, kiery tu dzisiŏj bōł. My niystety niy mogymy sie cieszyć. Uważŏm, że ze cŏłkigo szpilu, niy zasłużylimy na takŏ wysokŏ porażka, ale wynik je taki, a niy inkszy. Niy mŏmy co sie zastanŏwiać czymu tak, muszymy wyciōngnŏć wnioski i we nŏstympnym szpilu wygrać, coby trzi punkty łostały we Bytomiu”.

Łukasz Bereta (Tryner Ruchu): „We piyrwszyj kolyjności chciŏłbych podziynkować fusbalorzom, za wypełniynie wszistkich założyń na tyn szpil. Zryalizowali go we 100%. Dzisiŏj wyszlimy ze sześcioma młodziyżowcami, we wiynkszości sŏm to nŏsze wychowanki wiync to tymbarzij nŏs wszistkich raduje. Chciŏłbych tyż podziynkować kybicom za fest gorki doping i stworzonŏ atmosfera. Mŏmy nadzieja, że tak bydzie zŏwsze.
Szpil bōł wyrōwnany, ale to my byli dzisiŏj skuteczniyjsi i zdobywŏmy trzi punkty”.


własne