Nôjstarsze Derby Ślōnska – zapowiedź

Łod godziny 15:00, na sztadionie Szombierek we Bytomiu zacnie sie szpil derbowy Polonii ze Ruchem.

Polonia Bytom, podobnie jak Ruch powstała we 1920 roku, ale jeźli łazi o sukcesy, to maj€m trocha biedniyjszo gablota. 2 razy zdobyli majstra Polski, 4 razy zajynli drugi plac i 2 razy zajynli trzeci plac. Polonia słynie tyż ze tego, że jest jedynom Polskom drużinom, kiero wygrała puchar Intertotto (puchar Rappana we 1965 roku).

Polonia Bytom łostatni roz szpilała we Ekstraklasie we syzonie 2010/2011, a łobycnie po wszistkich perturbacjach (głównie finansowych) grô we III Lidze. We drużinie z Bytomia panuje spokojno atmosfera i godo sie, że som jednym ze faworytów do awansu.

Szpile derbowe bywajom nudne, ale po nôszyj wygranyj we zeszłym syzonie (3-1 przyp. red.) na pewno bydom chcieli sie łodegrać. My liczymy, że tyn szpil bydzie przełomaniem noszyj łostatnij passy (rymis ze Żmigrodem 2-2 i sflaone ze Ślęzą 0-1) i wrócymy na droga do awansu.

Na pewno bydom srogie emocje, a smaku dodać może nôsz kapitan – Tomasz Foszmańczyk, kiery dostoł zielone światło łod lekarzy na tryningi ze cołkom drużinom.

Na tyn momynt, Polonia mo rozegrane 4 szpile i jeszcze niy mo na koncie porażki (3 wygrane, 1 rymis), 10 punktów i zajmuje 7 plac. Ruch mo rozegrane 6 szpilów (4 wygrane, 1 rymis i 1 porażka) 13 punktów i 3 plac. Ze niycierpliwościom czekômy na tyn szpil, ale somy spokojni ło dyspozycja drużiny i ło wynik. Nôsz typ: 1-3.

Szpil łodbywać sie bydzie na sztadionie Szombierek Bytom, a dziynki uprzejmości kybicow Polonii, to nosze kybice tyż bydom mieli łokazja zoboczyć tyn szpil na żywo.

Zbiórka kybiców Ruchu ło 13:30 kole Intermarche przi ul. Zabrzańskiej 31 we Bytomiu. Łobowionzuje pełno kultura (za UN ze FB).

Do tych, co niy mogom być na szpilu we Bytomiu, proponujymy transmisja on-line, a dostympy po 15 zł idzie kupować tukej => LIVE: Polonia – Ruch


własne