Transfery we Ruchu wyglŏndajōm tak samo łod pŏru lŏt. Nŏjprzôd sie odłazi, potyn ftoś prziłazi. To niy je dziwne, ale dziwne je to, że łod 2 lŏt, ze Ruchu odłazi corŏz to wiyncyj fusbalorzy, niżli prziłazi.
Dzisiŏj klub poinformowŏł, ze odłażom jesce: Dominik Małkowski (za porozumiyniym sztron), Patryk Sikora, Pavlo Miagkov, Wojciech Kędziora (niy przedłużŏmy kontraktów) i fusbalorze, kiere wrŏcajōm ze wypożyczyń: Gracjan Komarnicki, Michał Rutkowski i Kewin Paszek.
Do nich dołōnczajōm jesce te fusbalorze, kierym końcy sie wypożyczynie: Lucas Duriska, Łukasz Wiech i Konrad Budek.
Wyglŏndo zatym na to, że cŏłko kadra trza budować łod nowa, a dziywo jesce barzij fakt, że klub łorganizuje szpil testowy, kaj liczy, że znŏjdzie lepszych i już gotowych do szpilaniŏ fusbalorzy, niż tych, co łodchodzōm.
Co nŏm łostaje? Wierzić, że tryner Bereta dŏ rada to posklyjać i bydymy szpilać niy ło utrzimanie, a co nŏjmynij ło awans. Ja, to je do nŏs nojmynij.
własne / ruchchorzow.com.pl
