Olimpia Elbląg – Ruch Chorzów po naszymu ino u nŏs!

We ramach 32 raji szpilów eWinner II ligi, Ruch Chorzów zagro szpil wyjazdowy ze Olimpią Elbląg. Szpil bydzie szło poczytać po naszymu.

Ostatnio idzie poczitać, że Ruch niby odpuszo walka o awans i niy bydzie sie szpecjalnie cisnōnć o trzeci plac we lidze. Trza pedzieć, że to jest niyprowda! Ruch na pewno niy odpuściōł walki o awans i niy łazi tu ino o zapewniynia prezesa i ludzi blisko klubu, ale i samych fusbalorzy.

Wczorej portal weszło.com napisŏł, że po syzonie do Wisły Płock odlyzie Michał Mokrzycki. Wiadome bōło, że kończy mu sie kontrakt i prawdopodobnie odlyzie do inkszego klubu. Niy mŏmy do tego żodnego żalu, a Michałowi cza życzyć, coby po tym elwrze ze szpilu ze Zniczem niy bōło śladu i coby odłaziōł po drugim awansie ze rzyndu ze „Niebieskimi”.

Dzisiej rychtuje sie zaś ciynżko przeprawa, bo Olimpia mo jeszcze szansa na baraże i pewnie niy bydzie łatwo odpuszczać szpilów ze czołówkom ligi. Na jesieni my wygrali 1:0 po elwrze… Michała Mokrzyckiego i dzisiej na pewno tyż som Michał bydzie chciŏł sie pokozać nôjlepij jak umi.

Szpilu niy zoboczycie we TV, bo tam bydzie Stal ze Motorem, ale bydziecie mogli poczitać LIVE po naszymu. Piyrwszy gizdek mo być o 19:45, a my zacznymy szkryflać już kole 19:00 i znŏjdziecie nŏs tukej: Ślōnski LIVE: Olimpia – Ruch.

Zapraszōmy do nŏs!


własne