Dzisiej, ło 18:00 zacnie sie łostatni szpil tyj rundy. Ruch zagrô ze rezyrwami Górnika Zabrze.
Drużina rezerw Górnika gro fest niyrówno. Na jedna wygrano przipadajôm 2 rymisy i sfalony szpil. Na wyjyździe zagrali 7 szpilów i ino jedyn wygrali (3-2 ze Rekordem B-B) zanotowali tyż 2 rymisy (2-2 ze Polonią Bytom i 1-1 ze LKSem Goczałkowice) zatym ze nami tyż może być różnie.
Majōm na tyn momynt 21 punktów i zajmujôm 10 plac we lidze. Piyrwszô drużina wygrała we Ekstraklasie ze Pogonią Szczecin i kilku fusbalorzy może łostać wezwanych na szpil rezerw.
Ruch Chorzów chce przezimować na piyrwszym placu, bo niy wiadomo, czy na wiosna udô sie wrócić do szpilanio. Na ta chwila mômy 2 punkty przewagi nad Polonią Bytom wiync trza wygrać szpil ze rezyrwami Górnika, a po szpilu ze Goczałkowicami trza zacynać nowô seria wygranych we lidze. Nôsz typ: 3-1.
Ze wzglyndu na łobostrzynia dzisiej szpil na Cichyj 6 łodbyndzie sie bez udziału kybiców, ale idzie kupić RYLACJA TV zaś Radio Widzew za darmo zrobi radiowy LIVE => Ruch – Górnik II kiery poprowadzi duet komyntatorski: Maciej Wojciechowski i Dawid Godziek.
Szpil sztartuje ło godzinie 18:00, rylacje zacnom sie kole 17:50!
Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej!
własne