Piast Żmigród – Ruch Chorzów [ZAPOWIYDŹ]

We łostatnij – przedświōntecznyj raji szpilów III grupy, III Ligi Ruch Chorzów zagro szpil wyjazdowy ze Piastem we Żmigrodzie.

Na jesiyni, ze Piastem stracilimy piyrwsze ligowe punkty (rymis 2-2, tory do Piasta: Daniel Stanclik, Eryk Moryson. Do Ruchu: Idzik x2 ze elwra) i bōł to ciynżki szpil. Piast postawiōł srogie warunki. Ta runda zacli jednak nijako (1 wygrany szpil, 3 sfalone – we tym ze łostatniom drużinom we lidze) ale niy idzie we tym łopatrywać szansy na wygrano.

„Uważom, że kożdo drużina na szpil ze Ruchem wyłazi barzij zmotywowano. Żodnego przeciwnika niy idzie lekceważyć” – godoł we łostatnij Niebieskij eRce we Radiu Widzew Michał Biskup (tukej cołki łodcinek => Niebieska eRka (30.03.21))

We gronie zagrożonych pauzom za kartki znaloz sie juz Kacper Kawula (7 żk), a reszta zagrożonych to Mokrzycki (7 żk), Kasolik i Kowalski (oba po 3 żk).

Przewidywany skład Ruchu:

Bielecki – Kulejewski, Kawula, Kasolik – Mokrzycki, Wyroba, Kwaśniewski, Kowalski, Foszmańczyk – Janoszka, Biskup.

Do składu wraco Mariusz Idzik, ale niy czuja, coby miôł ze marszu wlyźć do jedynostki. Zważiwszy, że ta drużina gro jak dobrze nałoliwiono maszina, a zwyciynskigo składu sie niy ruszo.

Plan szpilów 24 raji:

Foto Higiena – Stal Brzeg
Polonia Nysa – Gwarek TG
Rekord B-B – Miedź II (3-0)
Lechia ZG – Pniówek Pawłowice
Polonia Bytom – LKS Goczałkowice (17:00)
Zagłębie II – Górnik II (4-1)
Ślęza Wrocław – Polonia Stal (14:00)
Piast Żmigród – Ruch Chorzów (14:00)
MKS Kluczbork – Warta Gorzów

Ze godzinami zaznacone sôm szpile kiere nôjbarzij interesujom kybiców Ruchu, cyli szpile Ślęzy Wrocław i Polonii Bytom. Łobie drużiny walczom ze Ruchem ło piyrwszy plac we lidze.

Szpil Ruchu bydzie szło łoglōndać na łoficjalnym kanale Ruchu tukej => KUP DOSTĘP DO TRANSMISJI bydzie tyż rylacja radiowo we RADIO WIDZEW, a fto bydzie chcioł na YouTube, to tukej podajymy link:


własne