Podtrzimać dobrô passa: Ruch Chorzów – Piast Żmigród

Piast Żmigród to jedyn ze niylicznych drużin, kiere majōm rozegrane komplyt szpilów na ta chwila. Po 4 rajach zajmujom 8 plac we lidze, a dzisiôj zagrajôm ze liderem – Ruchem Chorzów.

Piast powstôł we 1946 roku, a ich nôjwiynkszym sukcesem jest gra we III Lidze. Na ta chwila, po 4 rozegranych rajach majôm 1 wygranô (3-1 ze rezyrwami Górnika), 2 rymisy (po 1-1 ze Pniówkiem Pawłowice i Polonią-Stal) i 1 sfalony szpil (u sia ze LKSem Goczałkowice 0-3).

We syzonie 2019/20 wygralimy u sia ze Piastem 4-1. Tory do nôs szczylali: Mateusz Bartolewski, Jakub Nowak i dwie szczyloł Mariusz Idzik. Do rywanżu niy doszło ze wzglyndu na pandymia, a drużina Piasta zakońcôła sezon na pozycji 17. Spadków niy bōło wiync sie utrzimali na syzon 2020/21.

Ruch je rozpyndzony fest i żodyn niy chciôłby coby ta drużina sie zaczimała. Fusbalorze majōm jednak gowy na karkach i zachowujôm zimno krew. Jeźli niy uderzy im woda sodowo to szpil ze Piastem tyż wygrômy na spokoju. Nôsz Typ: 4:0.

W dniu meczu obowiązuje zakaz stacjonarnej sprzedaży biletów, ale można zakupić wejściówki => ON-LINE. Z racji, że obowiązują limity i nie wszyscy będą mogli oglądać spotkanie z Wartą z wysokości trybun, Ruch Chorzów zaprasza do zakupu transmisji z tego spotkania => LIVE TV można również wykupić e-karnet na wszystkie domowe mecze Ruchu Chorzów.

NA SZPIL ZAPRASZÔMY ŁOBLYC SIE NA MODRO! KLUB ZA TO POSTAWI WÔM BROWARA!

Naszŏ zajta przeprowadzi Ślōnski LIVE ze tego szpilu. Szprechać zacnymy kole 18:20, a znŏjdziecie nŏs tukej => Ślōnski LIVE: Ruch – Piast

Poczôntek zaplanowany je na godzina 19:20

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej!


własne