Podzieleni punktami ze Zniczem [KONFERENCJA PRASOWO]

Po zaciyntym szpilu i nie wykorzystanym elwrze, ostatecznie Ruch zrymisowŏł ze Zniczem Pruszków 0:0 i zanotowŏł trzeci ze rzyndu szpil bez tora i bez wygranyj.

Po meczu byli my na konferencji prasowyj, kero spisali my po naszymu poniżyj:

Mariusz Misiura (Znicz): „Dzisiej na odprawie przed szpilem coby ze srogim szacunkiem podlazła do tego szpilu. Żeby sie starała cieszyć szpilem. Na takim szpilplacu, ze takim rywalem. Jestech wychowany na inkszyj szatni. Mie trynowŏł Śp. Jerzy Wyrobek i mŏm srogi szacunek do Ruchu Chorzów.

Chciołech, żeby mode fusbalorze zrozumieli, że to kiedyś bōło zaszczytem szpilać ze takim Klubem i dzisiej zagrali my aż 6 modymi fusbalorzami, kerzy na to zapracowali. Jestech fest z nich dumny za realizacja noszego planu na tyn szpil, a niy bōło łatwo sie przigotować bo dostowołech informacje, że tukej som choroby, a łostatnio tryner Skrobacz zagrŏł inkszym ustawiyniem.

Ciesza sie, że udało sie nŏm zrymisować. Mieli my szpecjalne zadania pod Janoszkę i Foszmańczyka i gdyby o wyniku decydowŏł tyn elwer to bōłbych zawiedziony. Fest szanujymy tyn punkt i życza tukej trynerowi i drużinie Ruchu jak nŏjwiyncyj punktów i nŏjlepszego miejsca we tabeli”.

Jarosław Skrobacz (Ruch): „My zdŏwali sie sprawa, że tyn szpil bydzie ciynżki. Znicz sfalōł ze Radunią we samyj końcówce, kaj rywalom wszistko siadało, a łostatnie szpile Znicz grŏł na styku i dobrze we łobronie. Dzisiej tyż bōło widać przejście na piontka ze zadku.

Mieli my plan taktyczny, chcieli my szybko dołazić do sytuacji ze boku 1 na 1, ale plan to jedne, a potyn trza jeszcze ja wykorzistać. Myśla, że dopiyro jak wloz Kuba Malec to drużina pokŏzała jak chcieli my tyn szpil grać. Bōło nŏs ciōngle za mało we elwrze Znicza i Piotr Stępień nie miŏł za wiela okazji.

Drużina gości wyłaziōła ze kontrami na pełnyj szibkości wiync my próbowali, ale no cóż. 0:0 i jeśli chcemy walczyć o cosik wiyncyj to naszo forma musi iść we góra i mŏmy terozki tydzień coby przirychtować sie lepij fizycznie”.


własne / wideo: ruchtv