Pokerowo zagrywka trynera sposobym na Pogoń – wypowiydź i konferyncja

Ruch mimo, że przegrywoł, to ostatycznie wygroł szpil ze Pogoniom Siedlce 2-1, a nojwiynkszy wkład do wygranyj mieli fusbalery rezerwowe. Zapraszomy do lektury wypowiydzi Jakuba Kowalskiego i zapisu konferyncji prasowyj. Ocywiście po naszymu:

Jakub Kowalski: „Prziszed nowy tryner, boł ze nami krótko, ale mioł wizja na tyn szpil. Jo musza to uszanować i właśnie włazić na te pora minut i udowodniać trynerowi, że zasługuja na miyjsce we piyrwszyj jedynostce. Dzisioj udało mi sie szczelić tora, przi czim dużo zasługa Piotrka Giela kiery mi ta bala dogroł i cieszymy sie ze 3 punktów.
Pokozali my charakter, że somy dobrom drużinom i mom nadzieja, ze za tydziyń powtórzymy to.”

Konferyncja prasowo: 

Marcin Prasoł (Pogoń): „Zaczna łode gratulacji we dybiucie Marka. Co do samygo szpilu, myśla, że Ruch tukej cołki czos mioł bala, operowoł niom wiyncyj, my sie mondrze bronili. Wyszli my na prowadzynie i mieli my sytuacje coby zamknonć tyn szpil. Niystety we frajerski sposób tracymy dwa tory, zwłaszcza ta we 93 minucie i naszo sytuacjo we tabyli je bardzo ciynżko.”

Marek Wleciałowski (Ruch): „Łostatnie dni boły do mie fest dynamiczne pod wzglyndem decyzji trynerskich, rozeznanio sytuacji. Podjołech tako decyzja, dopiyro potyn życie pokoże, czy dobro, ale dzisioj moga pedzieć, że ciesza sie, że tak to sie wszistko odboło. 2 dni pracowołech ze zyspołem, chciołech wsłuchać sie we ich głos. Piyrwsze co mi przilazło do gowy to, że łone tukej cołki czos robiyli, starali sie. Boło trudno, ale we moim łodczuciu chca łoddać szacunek do tych wszistkich kiere tu do tyj pory pracowali.
Zatrzimołech sztab, a jo sie podjołech tukej roboty bo czynść mie zawsze tukej boła, jest.
Boł to trudny szpil, ze wzglyndu na to, że stracili my tora i udało nom sie we takim momyncie podniyść. Fusbalorzom pedziołech, że dzisioj sie trza cieszyć, jutro odpoczywomy, ale we pyndziałek wracomy dalyj do roboty.”


własne

Dodaj komentarz

Twój adres e-mail nie zostanie opublikowany.