Polonia Nysa – Ruch Chorzów [ZAPOWIYDŹ]

Polonia Nysa łobecnie walczy ło utrzimanie we III Lidze, ale rozpyndzony Ruch Chorzów zagro ło dwanoste ze rzyndu zwyciynstwo ligowe. Szpil we Nysie zacnie sie ło 17:00.

Osiymnosto drużina III grupy III Ligi podyjmie rozpyndzony Ruch. Gospodorze we tyj rundzie wygrali ino 2 szpile ze 9ciu rozygranych (we jednyj raji mieli pauza), a bilans torów majōm 10-15. U sia niy wygrali jesce łod sztartu rundy (1 rymis i 3 sflanoe – bilans torów 2-6) wiync jak na drużina walczônco ło utrzimanie, to niy jest dobry wynik.

Ruch Chorzów we tyj rundzie punktów niy traci, a we myśl zasady, że „awanse wygrywo sie szpilami ze dołem tabyli” to dzisiej jest ku tymu nojlepszo łokazja. We bilansie szpilów wyjazdowych tyj rundy mômy 4 wygrane na 4 rozegrane szpile, a bilans torów to 6-1.

We szpilu niy zagro Michał Mokrzycki, kiery pauzuje za 8 żółto kartka, tak jak niy zagrajôm kontuzjowani: Idzik, Sikora i Nowak. Wraco do składu za to kapitan – Tomasz Foszmańczyk i Michał Biskup.

Przewidywany skład Ruchu:

Bielecki – Kwaśniewski, Kulejewski, Kawula, Kasolik, Będzieszak – Kowalski, Wyroba, Foszmańczyk – Janoszka, Biskup

Po szpilu ze Rekordem niy spodziewomy sie, coby do składu miôł wlyźć Bartosz Guzdek, a we takim ustawiyniu juz my bez Mokrzyckiego grali wwiync czujymy, że zagrômy na wahadłowych plus Ecik i Biskup ze przodku.

Plan szpilów 30 raji:

Foto-Higiena – Miedź II
Gwarek TG – Pniówek Pawłowice
Stal Brzeg – Górnik II
ROW 1964 – Polonia-Stal
Polonia Nysa – Ruch Chorzów (17:00)
Rekord BB – Warta Gorzów Wlkp.
Lechia ZG – MKS Kluczbork
Polonia Bytom – Piast Żmigród (17:00)
Zagłębie II – Ślęza Wrocław

Ze godzinami zaznacony szpil kiery nôjbarzij interesuje kybiców Ruchu, cyli szpil Polonii Bytom. Drużina ta walczy ze Ruchem ło piyrwszy plac we lidze.

Szpil Ruchu bydzie szło łoglōndać na łoficjalnym kanale Ruchu tukej => KUP DOSTĘP DO TRANSMISJI kaj łobok Tomasza Ferensa szpil skomyntuje Tomasz Podgórski, bydzie tyż rylacja radiowo we RADIO WIDZEW,

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej


własne