Poważny sprawdzian przed nami: Ślęza – Ruch

Przed Ruchem nŏstympny poważny sprawdzian ligowy, bo na wyjyździe zagrô ze drużinom kiero jeszcze szpilu niy sfalōła we tym syzonie.

Ślęza mo zagrane 2 szpile mynij, ale na ta chwila, po 3 szpilach ligowych mo komplyt punktôw (9) i 12-3 we torach, co sugeruje, że łobrona majōm dobro. Powstali we 1945 roku, ale sekcjo fusbalu to połonczynie dwóch klubów we 2009 roku (Gawin Królewska Wola i TS Intakus-Ślęza). Nôjwynkszym sukcesym drużiny jest gra we barażach ło I Liga.

We syzonie 2019/20 mielimy łokazjô szpilać ze Ślęzą. Sfalilimy u nich 0-2 po torach Huberta Muszyńskiego i Piotra Kotyli. Ruch grôł we łosłabiyniu (cyrwone kartki chycili Kasolik i Iwan). Jest terozki srogo łokazjô do rywanżu, bo mimo rymisu ze Piastem (2-2 przyp. red.) to dalyj sômy na fali i mômy jasno łobrany cel. Jeśli psychicznie wymażymy tyn słobszy szpil ze gowy to we Wrocławiu powinnimy powalczyć ło komplyt. Nôsz typ: 1-2.

Szpil ze Ślęzą Wrocław zacnie sie ło godzinie 14:00, a transmisjŏ przeprowadzi Polsport LIVE. Idzie kupować dostympy tukej => Ślęza – Ruch LIVE czynść zysku trefi do Ruchu Chorzów.

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej!


własne