[PRZISZLI – POSZLI]: Fto zagrôł we szparingu? Duchowski może zmiynić klub. Niy wykluczone kolyjne testy fusbalorzy

Dzisiej, 23 stycznia Ruch zagrôł piyrwszy szparing we tym roku. Na poczōntek pywnie wygralimy ze Śląskiem II Wrocław 5-0. Po szpilu wydało sie fto groł ze testowanych we tym szpilu.

Tomasz Mamis, Michał Biskup i Maciej Styrczula. To trójka fusbalorzy, kierzy dzisiej zagrali we szparingu ze Śląskiem II.

Mamis to 18-lytni napastnik Polonii Nysa. We poprzednij rundzie szczelōł 3 tory. Dzisiej zagrôł 45 minut i zdanym obserwatorów niy wyróżniōł sie szpecjalnie.

Biskup to 23-lytni pomagier rezerw GKSu Tychy. Mo fest dobre warunki fizyczne (193 cm wzrostu) i we dzisiyjszym szparingu szczelōł tora na 4-0, ale potyn sloz ze urazym.

Styrczula to 19-lytni torman Podhala Nowy Targ. We poprzednij rundzie groł na zmiana ze innym tormanem drużiny.

Mateusz Duchowski dostôł wolno rynka we szukaniu klubu. Obycnie jest testowany bez II-ligowy KKS Kalisz. Ta sytuacjo jest pywnie ze wzglyndu na spory potyncjał drużiny akurat na jego pozycji (łostatnio doszoł jeszcze Wyroba).

Klub planuje jeszcze pora testów, wiync niy wykluczomy, że zanim podpiszymy z kimś kontrakt, to bydymy mieć łoakzja jeszcze sie przijrzeć poru fusbalorzom ze bliska.


własne / twitter: Maciej Grygierczyk i Tadeusz Danisz