Rekord Bielsko Biała – Ruch Chorzów [ZAPOWIYDŹ]

Dzisiōj, we Bielsku Białej, na sztadionie miyjskim zagrômy nôstympny ligowy szpil ło fest ważne punkty do tabyli. Rywalem Ruchu bydzie miyjscowy Rekord.

Rekord Bielsko Biała powstôł we 1994 roku, a we fusbal jedenastoosobowy szpilajom łod syzonu 99/00. We 2013 roku wywalcyli awans do III Ligi, we kieryj szpilajôm do dzisiôj.

We syzonie 2019/20 gralimy już ze Rekordem u nich. Po torach Mariusza Idzika (x2) i Mateusza Winciersza wygralimy 3-0. Rekord tamtyn sezon zakończōł na 5 placu. We tym syzonie, po 8 rozegranych szpilach Rekord zajmuje 9 plac (3 wygrane, 3 rymisy, 2 sfalone). Ich nôjlepszy szczelec to Szymon Szymański, kiery mo 7 szczylonych torów.

Tak szczerze, to obawiôm sie tego szpilu. Rekord gro niy równo. Wygrane przeplato ze sfalonymi, a łostatni roz zrymisowali miysiônc tymu (2-2 ze Pniówkiem Pawłowice Śląskie). Jak chycymy szwōng, to do pauzy szczelymy ze 3 tory i powinni my dowiyźć wygrano do końca. Kluczym do wygranyj bydzie na pewno mocno koncyntracjo i nastawiynie jak we szpilu ze Lechią. Nôsz typ: 0-3.

Szpil zacnie sie ło 18:00 na sztadionie miejskim przi ul. Rychlińskiego 21. Kybice, kierzi jadom na tyn szpil majōm zbiórka na sztadionie przy Cichyj 6 ło 14:00.

Łobowionzujom bilety ze danymi osobowymi! Fto niy mo, musi wydrukować jesce roz!

Dzisiôj, ze racji, że nosz panel do ślōnskigo LIVE zacyno sie zmiyniać, niy przeprowadzymy tradycyjnyj rylacji, ale śledźcie nôs na Twitterze i Facebooku kaj bydymy na biyżōnco, po naszymu łopisywać wydarzynia ze tego szpilu.

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej!


własne