Ruch Chorzów jedzie do Świdnicy – sztart III Ligi

Dzisiŏj, 1 sierpnia sztartuje III Grupa III Ligi. Ruch Chorzów zacynŏ łod wyjazdowygo szpilu ze Polonią-Stal Świdnica.

Drużina rywala to klub, kiery powstŏł we 1945 roku pod nazwŏm KS Polonia Świdnica. Ich nŏjwiynksze sukcesy to 7 plac we II Lidze (syzon 1949), 1/16 Pucharu Polski (1950/51) i wygrany okryngowy Puchar Polski (1992/93). Sztadion klubu znajduje sie przi ulicy Śląskiej 35 we Świdnicy.

Ruch zakontraktowŏł łostatnio nowych fusbalorzy: Kacper Będzieszak, Kamil Swikszcz i Jakub Bielecki.

Będzieszak to 22 – lytni łobrońca. We szparingach spisywŏł sie bardzo dobrze i na pywno bydzie to dobre wzmocniynie.

Swikszcz to 18 – lytni pomagier, ale może szpilać tyż we ataku. Wychowanek Józefki Chorzów grŏł łostatniŏ we Escola Varsovia.

Zarzŏnd PZPNu podjŏn decyzjŏ, że łod tego syzonu, we III lidzie bydzie szło robić 5 zmian. Tak to wyglŏndo we rygulaminie:

„W 3 lidze drużyny uprawnione są do wymiany pięciu zawodników przez cały okres trwania gry, przy czym wymiany mogą być dokonane:

a) w trakcie przerwy pomiędzy pierwszą a drugą połową zawodów;
b) w trakcie nie więcej niż trzech przerw w grze”

Szpil ze Polonią-Stal zacnie sie ło godzinie 17:00, a transmisjŏ przeprowadzi Polsport LIVE. Idzie kupować dostympy tukej => Polonia-Stal – Ruch LIVE czynść zysku trefi do Ruchu Chorzów.

Jeszcze na som koniyc nŏsz typ na szpil. Ze racji, że Ruch bydzie we tym syzonie barzij cis na awans to niy może być inaczyj jak pywne zwyciynstwo. Polonia-Stal to beniaminek tyj ligi, a Ruch już trocha ja poznŏł. Tryner Bereta na pewno dobrze przigotowŏł zespół do sztartu i liczymy na wygranŏ. Typ: 0-3.

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej!


własne