Ruch Chorzów – Lech II Poznań po Ślōnsku ino u nŏs!

Wracô liga! 93 dni tymu po rŏz łostatni Ruch grŏł na Cichyj 6 (rymis 0:0 ze Motorem Lublin), a dzisiej – we ramach 21 raji szpilów eWinner II ligi – gościć bydzie Lecha II Poznań.

Na tyn momynt rezerwy Lecha zajmujŏm 7 plac we lidze i majōm tyla samo punktów co byndonco we strefie barażowyj Radunia (32).

Ruch Chorzów po dobryj rundzie rozegrōł już trzi szpile rundy rewanżowyj, ale ewidyntnie chyciōł jakoś zadyszka bo zdobōł ino 2 punkty i ze placu premiowanygo awansem sleciōł na plac barażowy. Do drugij Chojniczanki tracymy 2 punkty, a nad 4 drużinom ligi (Motorem Lublin) mŏmy 3 punkty przewôgi.

Dzisiejszy szpil łodbyndzie sie we atmosferze trwajōncyj wojny na Ukrainie. We zwiōnzu ze faktem, że miasto Chorzów jest partnerem Tarnopola, trwŏ akcja zbierania darów dla Ukrainy.

Co jest potrzebne?

  • śpiwory,
  • karimaty,
  • dla dzieci: ubranka, mleka modyfikowane, kaszki, jedzenie w słoiczkach, łóżeczka,
  • łóżka polowe,
  • środki higieny osobistej (mydła, dezodoranty, pasty do zębów, podpaski etc.) również dla dzieci (pampersy, chusteczki).

Co ważne: wszelka żywność musi mieć długi termin przydatności i nie wymagać przechowywania w warunkach chłodniczych.

Dary będą przyjmowane od godz. 16:00 w specjalnym namiocie ustawionym pod stadionem od strony alei Bojowników.

Szpil mŏ sie zaczōnć ło 17:15, link do nŏszego LIVE mocie tukej => LIVE: Ruch – Lech II kaj zacnymy szprechać juz kole 16:20!

Zapraszmōmy do nŏs!


własne