Ruch Chorzów – Polonia Bytom piyrwszy roz we NOWEJ ERZE! [ZAPOWIYDŹ]

24 kwietnia 2021 roku po roz piyrwszy we NOWEJ ERZE Ruch zagrô we Nôjstarszych Derbach Ślōnska! Szpil na szczycie III grupy, III Ligi znaczōnco może dać Ruchowi ciông na awans!

Na jesiyni, we Bytomiu po pechowyj końcówce szpilu stracili my 2 punkty, bo łostatycznie wywieźli my ze Bytomia rymis. Tora do nos szczelōł Mateusz Winciersz, zaś do Polonii trefiōł Norbert Radkiewicz. Obecno runda Polonia zacła tydziyń poźnij skuli tego, ze we lidze jest 19 drużin, to jedna musi co raja pauzować. Zacli szpilem ze Gwarkiem Tarnowskie Góry i…straciyli punkty (sfalone 1-0) po drodze jesce dołożyć trza rymis ze Pniówkiem Pawłowice i ze 2 punktów nôszyj przewogi zrobiōło sie 10 pkt.

Te 10 pkt to jest łobycnie bez tyj jednyj raji, kiero musi zagrać Polonia Bytom, beztosz realnyj przewogi mômy 7 punktów. Jak ważny jest to szpil, to chyba niy trza nikomu godać. Na 10 raji do końca abo zrobiymy 10 punktów realnyj przewogi, abo stracymy i bydzie ino 4 pkt.

Ruch Chorzów mo nôjlepszo łobrona (19 straconych torów) i łod 9 szpilów (a łod 8 we tym roku) ino wygrywo szpile, ale Polonia Bytom chce przerwać ta passa i gonić nôs we drodze do awansu na szczebel cyntralny. Sfalony szpil Polonii praktycznie przekreślo szanse na awans, wiync zanosi sie na fest srogi szpil we Chorzowie.

Idzie kupić jesce pamiōntkowy bilet na tyn szpil! Szczegóły znôjdziecie tukej => KUP BILET NA DERBY

Przewidywany skład Ruchu:

Bielecki – Kwaśniewski, Kawula, Kasolik, Będzieszak – Kowalski, Mokrzycki, Foszmańczyk, Janoszka, Idzik, Biskup.

Do skłądu wracô Kacper Kawula, kiery pauzowoł za kartki (8) i czujymy, że zagrômy we systemie 4-3-3, przi czym prawdopodobne bydzie 3-5-2 i na wahadłach zoboczymy Będzieszaka z Kowalskim, a Ecik slyzie do drugij linii.

Plan szpilów 27 raji:

Piast Żmigród – Foto-Higiena Gać
MKS Kluczbork – Ślęza Wrocław
Warta Gorzów Wlkp. – Zagłębie II
Ruch Chorzów – Polonia Bytom (17:00)
Polonia-Stal – Lechia ZG
Górnik II – Rekord BB.
LKS Goczałkowice – Polonia Nysa
Pniówek Pawłowice – ROW 1964
Miedź II – Stal Brzeg

Szpil Ruchu bydzie szło łoglōndać na łoficjalnym kanale Ruchu tukej => KUP DOSTĘP DO TRANSMISJI bydzie tyż rylacja radiowo we RADIO WIDZEW, i na YouTube (link poniżyj).

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej.


własne / ruchchorzow.com.pl / radiowidzew.pl