Ruch Chorzów – Stal Brzeg [ZAPOWIEDŹ]

Sztartuje 13 raja szpilów we III grupie III Ligi. Do Chorzowa przijedzie dzisiej Stal Brzeg.

Stal powstoła we 1967 roku, a jeich sukcesami sôm: III runda Pucharu Polski we 1978 roku i 2 plac we III lidze we syzonie 1977/78.

We zeszłym syzonie szpilali my we Brzegu szpil ligowy. Po torach Tomasza Foszmańczyka i Jakuba Nowaka wygralimy 2-1, a Stal zakończōła syzon na 15 placu.

Terôzki idzie im lepij, bo po 10 szpilach (cyli mô 2 zaległe) zajmuje 7 plac ze 16 punktami na koncie. Ich nôjlepszy szczylec to Damian Celuch, kiery mô 6 torów szczylonych.

Stal Brzeg umi niy sfalić szpilu bez pora kolejek, umi tyż wygrać 5-1 (jak we 12 raji ze Polonią Stal Świdnica) i na łobecno chwila mô drugo – co do skuteczności – łobrona we lidze (11 straconych torów, a piyrwszy jest Ruch ze 10 straconymi). Rychtuje sie szpil na rymis, ale jak sie weźnie pod uwaga szpile sparingowe, to Ruch ze Stalą rymisu jeszcze niy miôł (przed syzonem wygralimy 4-1). Nôsz typ: 2-1.

Ze wzglyndu na łobostrzynia dzisiej szpil na Cichyj 6 łodbyndzie sie bez udziału kybiców, ale idzie kupić RYLACJA TV zaś Radio Widzew za darmo zrobi radiowy LIVE => Ruch – Stal kiery poprowadzi nôsz rydaktor naczelny.

Szpil sztartuje ło godzinie 18:00, rylacje zacnom sie kole 17:50!

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej!


własne