Ruch Chorzów wraco na Cicho! Ruch – MKS [ZAPOWIYDŹ]

Ruch Chorzów wraco do szpilanio u sia. 27 marca, we sobota zagrômy ze MKSem Kluczbork, a szpil łodbyndzie sie we ramach 23 raji szpilów III grupy, III Ligi.

MKS Kluczbork bez pewny czas bōł ze Ruchem współliderym noszyj ligi, ale po szpilu ze nami zacli lecieć na dół, a terozki, jak zacła sie runda to zrymisowali u sia ze LKSem Goczałkowice 0-0, sfalili we Zabrzu ze rezyrwami Górnika 0-3 i dopiyro wygrali łostatni szpil u sia, ze Polonią Stal Świdnica 2-1.

Ruch po horrorze, jaki zafundowoł kybicom we Gorzowie Wielkopolskim, kaj łostatycznie wygralimy 2-1 ze tamtyjszom Wartą dostoł 2 dni wolnygo. We łostatnij Niebieskiej eRce we Radiu Widzew niy bōło beztusz gościa, bo kôżdy fusbalorz sie resetowoł. Momy nadziyja, że tyn reset niy dotyczōł jeich umiejyntności.

Łostatnie decyzje rzondu zaś wprawiōły nôs we lekkie zaniypokojynie, ale łokozało sie, że zawodowy szport może szpilać ino trza spyłniać warunki, a te spełniomy wszistkie i jak sie łokazuje, spełnio je côłko III grupa III Ligi.

We szpilu ze Wartą czerwono kartka łobejrzoł Kasolik, ale to bōła konsekwyncjo 2 kartek żółtych, bez co terozki dopiyro bydzie zagrożony, razym ze nim bydzie zagrożony Marcin Kowalski (3 kartki) i Michał Mokrzycki (7 kartek).

Szpil ze MKSem zagromy na sztadionie przy Cichyj 6, a sztart przewidziany jest na 17:00.

Przewidywany skład Ruchu:

Bielecki – Kulejewski, Kawula, Kasolik – Mokrzycki, Wyroba, Kwaśniewski, Kowalski, Foszmańczyk – Janoszka, Biskup

Plan szpilów 23 raji:

Warta Gorzów Wielkopolski – Foto-Higiena Gać
Ruch Chorzów – MKS Kluczbork (17:00)
Polonia-Stal Świdnica – Piast Żmigród
Górnik II Zabrze – Ślęza Wrocław (12:00)
LKS Goczałkowice Zdrój – Zagłębie II Lubin
Pniówek Pawłowice – Polonia Bytom (15:30)
Miedź II Legnica – Lechia Zielona Góra
Gwarek tarnowskie Góry – Rekord Bielsko Biała
Stal Brzeg – ROW 1964 Rybnik

Ze godzinami zaznacone sôm szpile kiere nôjbarzij interesujom kybiców Ruchu, cyli szpile Ślęzy Wrocław i Polonii Bytom. Łobie drużiny walczom ze Ruchem ło piyrwszy plac we lidze.

Wszistkie szpile łodbyndom sie 20 marca.

Szpil Ruchu bydzie szło łoglōndać na łoficjalnym kanale Ruchu tukej => KUP DOSTĘP DO TRANSMISJI bydzie tyż rylacja radiowo we RADIO WIDZEW.

Przipominŏmy tyż ło nŏszyj zabawie. Typer Na Niebiesko pod patronatym Baru „Kinga” znŏjdziecie tukej => Typuj i wygrywej


własne