Ruch Chorzów – Zagłębie II Lubin [ZAPOWIEDŹ]

We środa – nietypowo, ale akurat dzisiej – łodrobimy straty we rozygranych szpilach. Na szczynście mômy ino jedyn zaległy szpil, ze Zagłębiem II Lubin.

Ze wzglyndu na wykrycie COVID-19 we szkole, kaj łazi bajtel Ecika, on musi pauzować skuli kwarantanny, a do łobrony po zawieszyniu za kartki powiniyn wrocać Kacper Kawula.

Zagłębie poradzi grać ze drużinami, kiere majōm aspiracjo na awans – tak na przikład zrymisowali ze Ślęzą Wrocław 1-1 i wygrali we sobota ze Polonią Bytom 2-0. Ruch zaś mô seria 6 szpilow bez sfalonygo, a 5 łostatnich to wygrane.

Rezerwy Zagłębia Lubin przijadom do Chorzowa we zasadzie samymi juniorami. Piyrwszo drużina gro normalnie we Ekstraklasie, a skuli szalyjōncyj pandymii nie chcôm pewnie ryzykować podstawowych fusbalorzy na szpil we III Lidze.

Ruch ze pełnym skupiyniem i chłodnom gowom może tyn szpil wygrać, wystarcy, że tym razym inaczyj podyjdom do tymatu fajnyj serii bez sfalonygo szpilu. Nôsz typ: 2-0.

Ze wzglyndu na łobostrzynia dzisiej szpil na Cichyj 6 łodbyndzie sie bez udziału kybiców, ale idzie kupić RYLACJA TV zaś Radio Widzew za darmo zrobi radiowy LIVE => Ruch – Stal kiery poprowadzi nôsz rydaktor naczelny.

Szpil sztartuje ło godzinie 18:00, rylacje zacnom sie kole 17:50!


własne