Ruch, Elana, Widzew, Wisła, Atletico, KPR itp. – Podsumowanie minionygo weekendu

Życie na Niebiesko

Zapraszomy do lektury podsumowanio minionygo weekendu we Ruchu Chorzów i inkszych:

Po 91 dniach wrócioła II Liga we fusbalu. Ruch Chorzów groł na wyjyździe ze GKSem Bełchatów. Szpil sfaloł 1-0. We Rybniku – tamtyjszy ROW – groł ze Elaną Toruń. Elana wygrała 1-0 po torze Filipa Kozłowskiego. Widzew Łódź groł we niydziela we Wejherowie ze Gryfem. Po torach Adama Radwańskiego i Daniela Mąki Widzew wygroł 2-1. Komplyt wyników 22 raji:

Skra Częstochowa – Olimpia Grudziądz (0-4)
Górnik Łęczna – Resovia (1-0)
ROW 1964 Rybnik – Elana Toruń (0-1)
Gryf Wejherowo – Widzew Łódź (1-2)
Stal Stalowa Wola – Błękitni Stargard (4-2)
Znicz Pruszków – Pogoń Siedlce (0-2)
Rozwój Katowice – Siarka Tarnobrzeg (6-0)
Olimpia Elbląg – Radomiak Radom (2-1)
GKS Bełchatów – Ruch Chorzów (1-0)

Tabela znojdziecie tukej => Tabela II Ligi

Wisła Kraków szpilała we niydziela, we Ekstraklasie ze Pogoniom Szczecin. Wynik końcowy to 2-3. Oba tory do Wisły szczyloł Vullent Basha. Artur Balicki groł we szpilu juniorów ze Hutnikiem Kraków (szczeloł 4 tory) beztoż nie groł we szpilu ligowym piyrwszyj drużiny Wisły. Po 24 rajach, Wisła Kraków zajmuje 9 miyjsce, mo 4 punkty straty do 8 Korony i ino 2 pkt. przewagi nad 10 Zagłębiem Lubin (Zagłębie szpil 24 raji zagro dzisiej – ze Lechią Gdańsk).

Trwo tyż 26 raja szpilów we La Lidze. Atletico Madryt swój szpil zagrało we niydziela na wyjyździe ze Realem Sociedad. Dwa tory Alvaro Moraty dały wygrano 2-0. Altetico mo 53 punkty, 7 straty do lidera – FC Barcelony i 5 przewogi nad trzecim Realem Madryt.

Nosze handbalistki grały we sobota u sia we Super Lidze kobiyt. Sfaloły ło jedyn tor ze Startem Elbląg (25-26) . Po 18 szpilach zajmujom 10 plac, 3 punkty przewogi nad 11 Kościerzyną i aż 9 punktów straty do KPR Jelenia Góra.

Nosze juniory ze CLJ we weekend zagrali łostatni szpil szparingowy przed sztartym rundy wiosynnyj. Na koniyc wygrali ze MKSem Myszków 3-1. Tory szczylali: Daniel Iwanek, Jan Peda i Adrian Dąbrowski.

Wszistkie tabele tych rozgrywek znojdziecie ze lewyj strony noszyj zajty, tak, co kożdy z Wos może na biyżonco śledzić jak sie fto radzi we lidze.


własne

Dodaj komentarz

Twój adres e-mail nie zostanie opublikowany.