Ruch – KKS po naszymu ino u nŏs!

Dzisiejszy szpil Ruchu Chorzów ze KKS Kalisz łodbyndzie sie na zakończynie 25 raji szpilów eWinner II ligi, a my standardowo zrobiymy Ślōnski szkryflany LIVE!

We rundzie zimowyj, Ruch pojechŏł do Kalisza ze rzeszom 3 tysiyncy kybiców i po ciekawym szpilu wygrŏł tam 2:1 (tory szczylali chorzowscy weterani – Łukasz Janoszka i Tomasz Foszmańczyk).

Dzisiej KKS mŏ 8 punktów przewogi nad strefom sopadkowom i raczyj gra ło baraże im niy grozi, ale na pewno trza pilnować zadków i dzisiejszy szpil niy bydzie łatwo odpuszczony.

Ruch, po rymisie we Chojnicach, musi patrzeć ino na siebie i cichtować, czy sie komuś noga niy podwijo we inkszych szpilach. Motor ścigo, Chojniczanka ucieko, a we walce ło awans niy idzie tracić punktów.

Szpil planowo zacznie sie ło 18:00, a my zacznymy szkryflać po naszymu już kole 17:10. Kaj nŏs znŏjdziecie? Tukej => Ślōnski LIVE: Ruch – KKS

Zapraszŏmy do nŏs!


własne